یونامی: پێویستە بەزووترین كات حكومەتێكی نوێ پێكبهێنرێت

ئاڤا نیوز

 

سكرتێری گشتیی نەتەوەیەكگرتووەكان پیرۆزبایی لە هەرێمی كوردستان دەكات بەبۆنەی سەركەوتن لە ئەنجامدانی هەڵبژاردنی پەرلەمانی كوردستان و داوا دەکات و داوا دەکات بەخووترین کات حکومەتی نوێ پێکبهێنرێت. 

 

ڕاگەیەنراوی فەرمی: یۆنامی لە بەیاننامەیەكدا دەڵێت:”سكرتێری گشتی نەتەوە یەکگرتووەکان پیرۆزبایی لە هەرێمی کوردستان و گەلەکەی دەکات بەبۆنەی ئەنجامدانی هەڵبژاردنی پەڕلەمانی کوردستان لە 20ی تشرینی یەکەمدا، کە بەشێوەیەکی ئارام و هێمنانە بەڕێوەچوو".

 

 ئەمەش بزانە: لە بەشێكی دیكەی پەیامەكەدا یۆنامی دەڵێت:"دەستخۆشی لە هەوڵەکانی کۆمیسیۆنی باڵای سەربەخۆی هەڵبژاردنەکانی عیراق دەکەین لە ئامادەکاری و بەڕێوەبردنی ئەم هەڵبژاردنانەدا کە لەلایەن نێردەی نەتەوە یەکگرتووەکان بۆ هاریکاریی عێراق (یونامی) پاڵپشتی کرابوو".

 

سکرتێری گشتی نەتەوە یەکگرتووەکان داوا لە لایەنە سیاسییەکان دەکات، ئەگەر هەر ناکۆکییەکی سیاسی یاخود هونەری هەیە با لە رێگەی دامەزراوە یاساییەکان  چارەسەری بکەن و پڕۆسەی هەڵبژاردن تەواوبکەن بە پێکهێنانی حکومەتێکی گشتگیر بە زووترین کات.

 

باكگراوند: ڕۆژی 20-10-2024 زیاتر لە دوو ملیۆن و 500 هەزار هاونیشتمانی هەرێمی كوردستان چوونە سەرسندوقەكانی دەنگدان بۆ دیاریكردنی نوێنەری خۆیان لە پەرلەمانی كوردستان و پارتی دیموكراتی كوردستان توانی بەزۆرترین دەنگ ببێتە یەكەم لە هەڵبژاردنەكەدا و هەریەكە لە یەكێتی و نەوەی نوێ لە ڕیزبەندی دووەم و سێیەمدا بوون.