کونسوڵی ئەڵمانیا: هەڵبژاردن دەبێتە هۆی قۆناغێكی تازەی ژیانی سیاسی لە هەرێمی کوردستان

ئاڤا نیوز

کونسوڵی نوێی ئەڵمانیا لە هەولێر لەمیانی کۆبوونەوەی لەگەڵ سەرۆک بارزانی، پڕۆسەی هەڵبژاردنی خولی شەشەمی پەرلەمان بە سەرکەتوو و هەنگاوێكی گرنگ بۆ قۆناغێكی تازەی ژیانی سیاسی لە هەرێمی کوردستان وەسف دەکات.

چیرۆکی سەرەکی: ئەمڕۆ چوارشەممە 23-10-2024، سەرۆک بارزانی لە سەڵاحەددین پێشوازی لە ئەلبرێشت فۆن ڤیتكە، كۆنسوڵی نوێی ئەڵمانیا لە هەولێر كرد.

ڕاگەیێنراوی فەرمی: بەپێی ڕاگەیێنراوێکی  بارەگای بارزانی، هەردوولا بیروڕایان لەبارەی بارودۆخی سیاسی، دوایین پێشهاتەكانی عێراق و ناوچەكە، پەیوەندییەكانی نێوان حكومەتی هەرێمی كوردستان و حكومەتی عێراقی فیدڕاڵ و، هەروەها هەنگاوەكانی دوای پرۆسەی هەڵبژاردنی پەرلەمانی كوردستان و پێكهێنانی حكومەتی تازە ئاڵوگۆڕ كردووە.

لەلایەکی دیکەوە: سەرۆک بارزانی هیوای سەركەوتنی بۆ كۆنسوڵی گشتیی نوێی ئەڵمانیا لە هەولێر خواستووە لە ئەرك و كارەكانیدا، هیوای ئەوەشی خواستووە پەیوەندییەكانی نێوان هەرێمی كوردستان و ئەڵمانیا زیاتر گەشە بکەن.