سەرۆکوەزیران بارزانی هاوخەمی بۆ ئەنقەرە دەردەبڕێت

ئاڤا نیوز

 

سەرۆکوەزیران مەسرور بارزانی هاوخەمی بۆ کەسووکاری کوژراوان و بریندارانی هێرشەکەی سەر کۆمپانیای پیشەسازیی فڕۆکەوانی تورکیا لە ئەنقەرە دەردەبڕێت.

وێنە گەورەکە: ئێوارەی ئەمڕۆ چوار شەممە 2024/10/23، بە تەقینەوە و دەستڕێژیی گوللە هێرش کرایە سەر کۆمپانیای پیشەسازیی فڕۆکەوانی تورکیا لە ئەنقەرە و لە ئاکامدا پێنج کەس کوژران و 14 کەسی دیکەش بریندار بوون.

بڵاوکراوەی فەرمی: سەرۆکوەزیران مەسرور بارزانی لەبارەی هێرشەکەی ئەمڕۆی ئەنقەرە لە تۆڕی کۆمەڵایەتی ئێکس پەیامێکی بڵاوکردەوە و رایگەیاند: "هێرشە تیرۆریستییەکەی ئەنقەرە ئیدانە دەکەم، پرسە و سەرەخۆشیم گەیاندووەتە هاکان فیدان، وەزیری دەرەوەی تورکیا"

 

لەلایەکی دیکەوە: لەبەشێکی دیکەی پەیامەکەیدا، سەرۆکوەزیران مەسرور بارزانی هاوخەمی بۆ کەسووکاری قوربانیانی هێرشەکە دەربڕیوە و هیوای زوو چاکبوونەوە بۆ بریندارانی هێرشەکە دەخوازێت.