سەرۆکوەزیران بارزانی: پرۆژەی هەژماری من بەردەوامە

ئاڤا نیوز 

 

 ئێوارەی ئەمڕۆ زانکۆی کوردستان - هەولێر ئاهەنگی دەرچووان بۆ قوتابییانی چوار کۆلیژ ئەنجامدا و سەرۆکوەزیران مەسرور بارزانی لە میانەی بەشداریکردنی لە ئاهەنگەکەدا وتارێکی پێشکەش بە دەرچووان کرد. 

 

وێنە گەورەکە: زانکۆی کوردستان-هەولێر ساڵی 2006 دامەزراوە، دروشمی "پێشخستنی کوردستان لەڕێگای باشترین خوێندنی ئەکادیمی" پەیڕەو دەکات. 

 

لێدوانی فەرمی: مەسرور بارزانی لە میانەی پێشکەشکردنی وتارێکدا ڕایگەیاند: ئێمە قەرزاری کوردستانین باشترین پێشکەش بکەین، پرۆژەی هەژماری من بەردەوامە و پێویستیمان بە تواناکانی ئێوەیە بۆ پەرەپێدانی، هاوکات پڕۆگرامە جیاوازەکانی حکومەت وایکردووە هەزاران دەرفەتی کار بڕەخسێت. 

 

لەلایەکی دیکەوە: سەرۆکوەزیران باسی لەوەکرد، لە پێناوی دابینکردنی خزمەتگوزارییە پێویستیەکان بۆ هاووڵاتییان پڕۆژەی کارەبامان نزیکە لەوەی 24 کاتژمێر کارەبا بۆ کوردستان دابین بکات، لە کەرتی کشتوکاڵیشدا پێویستیمان بە تواناکانی قوتابییان و دەرچووانی زانکۆیە، دەشمانەوێت ببینە سەبەتەی خۆراک بۆ ڕۆژهەڵاتی ناوەڕاست.