بزوتنەوەی گۆڕان لە خولی شەشەمی پەرلەمانی کوردستان توشی شکست بوو

ئاڤا نیوز 

 

بزووتنەوەی گۆڕان بەهۆی کێشە ناوخۆییەکانی لە هەڵبژاردنی خولی شەشەمی پەرلەمانی کوردستان تووشی شکستی گەورە بوو، لەسەرجەم بزانەکانی کوردستان تەنها یەک کورسی بەدەستهێنا.

 

وێنە گەورەکە: لە دوای ئەوەی لە هەڵبژادنی ئەنجوومەنی نوێنەرانی عێراق بزووتنەوەی گۆڕان تووشی شکستی چاوەڕوان نەکراو بوویەوە لە هەڵبژاردنی خولی شەشەمی پەرلەمانیش دووچار هەمان شکست بوویەوە و تەنها یەک کورسی لە کۆی هەموو بازنەکان بەدەستهێنا. 

 

لێدوانی فەرمی: هێمن شێخانی، بەرپرسی مەکۆی گۆڕان لە هەولێر بە ئاڤا نیوز ڕاگەیاند: " نایشارمەوە کێشەی ناوخۆی لەناو بزووتنەوەی گۆڕان هەیە، لە ئێستا گرووپێک لەناو بزووتنەوەکە لە هەوڵی چارەسەرکردنی کێشەکاندایە". 

 

زانیاریی زیاتر: بە گوێرەی ئەنجامە بەراییەکانی کۆمیسیۆنی باڵای سەربخۆی هەڵبژاردنەکانی عێراق، گۆڕان لە پارێزگای سلێمانی تەنها 9721 دەنگی بەدەستهێناوە و لە پاریزگای هەولیریش 1455 دەنگ و لە پاریزگای دهۆک 248 دەنگ و لە پارێزگای هەڵەبجە 197 دەنگ.