هەڵگرتنی چەکی بێ مۆڵەت کەمیکردووە

ئاڤا نیوز

بە گوێرەی ئەو زانیاریی و داتایانەی وەزارەتی ناوخۆی حکومەتی هەرێمی کوردستان بڵاویکردووەتەوە، دوای تێپەڕبوونی زیاتر لە دوو ساڵ بەسەر دەرکردنی یاسای بەکارهێنانی چەک، هەڵگرتنی چەکی بێ مۆڵەت و ئەنجامدانی تاوانیش کەمیکردووە.

 

وێنە گەورەکە: بەپێی یاسا ئەو کەسانەی کە چەکی بێ مۆڵەت هەڵدەگرن و مامەڵەی پێوە دەکەن سزای زیندانیکردنیان بەسەر دەسەپێنرێت بە جۆرێک، سزای زیندانی لە ساڵیک کەمتر نەبێت و لە سێ ساڵیش زیاتر نەبێت، هەروەها سزاداری دەیگرێتەوە کە لە دوو ملیۆن دیناری عێراقی کەمتر نەبێت و لە پێنج ملیۆنیش زیاتر نەبێت.

 

زانیاریی زیاتر: لەماوەی یەک ساڵدا و لە نێوان ساڵەکانی 2022 بۆ 2023، زیاتر لە 17 هەزار چەک تۆمارکراون، پێدان و تۆمارکردنی چەکیش لە شارەکان و ئیدارە سەربەخۆکانی هەرێمی کوردستان بەردەوامە.