شاسوار عەبدولواحید و عەلی حەمەساڵح ئەوەی نەکراوە بەیەکتری دەکەن

ئاڤا نیوز

 

دوای ڕاگەیاندنی ئەنجامە بەراییەکانی هەڵبژاردن، هەر یەکە لە شاسوار عەبدولواحید و عەلی حەمەساڵح، ئەوەی نەکراوە بەیەکتری دەکەن بە قسەی نەشیاو و تۆمەتبارکردنی یەکتری قسە و باسەکانیشیان بووتە بابەتی سۆشیاڵ میدیا.

 

وێنە گەورەکە: شاسوار عەبدولواحید و عەلی حەمەساڵح کە هەردووکیان خۆیان بە ئۆپۆزیسیۆن دەزانن، چەندین ساڵە لە میدیاکان بەردەوام هێرش دەکەنە سەر یەکتر، دوای ڕاگەیاندنی ئەنجامە بەراییەکانی هەڵبژاردن شەڕەقسەی نێوانیان بووەتە بابەتی گەرمی سۆشیاڵ میدیا و هەریەکەیان ئەوی دیکە بە بابەتێک تۆمەتبار دەکەن.

 

چیرۆکی سەرەکی: نەوەی نوێ لە هەڵبژاردنی خولی شەشەمی پەرلەمانی کوردستان 15 کورسی و ڕەوتی هەڵوێست چوار کورسییان بەدەستهێناوە. عەلی حەمەساڵح ناڕازییە و لە کۆنگرەیەکی ڕۆژنامەوانیدا ئەنجامی هەڵبژاردنی ڕەتکردەوە و ڕایگەیاند؛ "ساختەکاری بۆ پارتی و یەکێتی کراوە و لەو ساختەکارییەش پشکی نەوەی نوێ دراوە و دەنگی ئەوانیش زیادکراوە".