لە هێرشێکی ئیسرائیل بۆ سەر لوبنان سێ ڕۆژنامەنووس کوژران

ئاڤا نیوز

 

میدیای فەرمی لوبنان (NNA) ڕایگەیاند، لە هێرشێکی ئاسمانیی سوپای ئیسرائیل بۆ سەر ناوچەیەک لە باشووری لوبنان کە ڕۆژنامەنووس و ڕاگەیاندنکارانی تێدا نیشتەجێیە، سێ ڕۆژنامەنووس کوژران.

 

چیرۆکی سەرکی: هێرشەکە کاتژمێر 03:30 بەرەبەیانی ڕۆژی هەینی 25-10-2024 بە کاتی ناوخۆیی لوبنان کراوەتە سەر ناوچەی حاسبیا کە لە سنووری سووریاوە نزیکە.

 

لەلایەکی دیکە: کەناڵی مەیادین ڕایگەیاندووە، لە هێرشەکەدا غەسسان نەجاڕی کامێرامان و محەممەد ڕێدای پەیامنێری کەناڵەکە کوژراون. هەر لەو هێرشەدا، ویسام قاسم، فۆتۆگرافەری کەناڵی مەنار، کوژراوە.

 

ئەمەش بزانە: چەند ڕۆژ پێشتریش ئۆفیسێکی کەناڵی مەیادین لە بەیرووتی پایتەختی لوبنان لەلایەن ئیسرائیلەوە کرایە ئامانج.