پەکەکە بەرپرسیارێتیی هێرشەکەی ئەنقەرەی گرتە ئەستۆ

ئاڤا نیوز

 

پەكەكە بە ڕاگەیێنراوێكی فەرمی، بەرپرسیاریێتی هێرشە چەكدارییەكەی سەر كۆمپانیای پیشەسازیی فڕۆكەوانیی توركیا ئەنقەرە لە ئەستۆ دەگرێت.

 

چیرۆکی سەرەکی: ڕۆژی سێشممە 2024/10/23 بە تەقینەوە و دەستڕێژیی گولـلە هێرش کرایە سەر کۆمپانیای پیشەسازیی فڕۆکەوانی تورکیا، لە ئاکامدا پێنج کەس کوژران و 14 کەسی دیکەش برینداربوون، دوای ڕووداوەکە بەرپرسانی تورکیا پەکەکەیان بە ئەنجامدانی هێرشەکە تۆمەتبار کرد، ئەمڕۆ بەفەرمی پەکەکە لەڕێگەی ڕاگەیێنراوێکەوە هێرشەکەی لە ئەستۆ گرت.

 

ڕاگەیێنراوی فەرمی: ئەمڕۆ هەینی 2024/10/25 بڕیارگەی ناوەندیی پاراستنی گەل (نەپەگە) كه‌ یه‌كه‌یه‌كی سه‌ر پەكەكەیە، ڕاگەیێنراوێکی بڵاوکردەوە و تیایدا ئاماژەی بۆ ئەوە کرد، هێرشە چەكدارییەكەی ئەنقەرە لەلایەن گرووپی "تابوور نه‌مران"ـی سەر بە پەكەكە ئەنجام دراوە.

 

لەلایەكی دیكەوە: نەپەگە ناسنامەی ئەو کەسانەی ئاشکرا کرد کە هێرشەکەیان ئەنجامداوە، ئەوانیش هەریەک لە ئاسیا عەلی، مینە سەڤژین ئالچیچەک، ڕۆژگەر هێلین، عەلی ئۆرەک بوون.

 

زانیاریی زیاتر: نەپەگە لەبارەی هۆکاری پشت ئەنجامدانی هێرشەکەوە دەڵێت، " ئەم چالاکییە ماوەیەکی درێژ پێش ئێستا پلانی بۆ دانرابوو و بە شێوەیەکی سەرکەوتووانە جێبەجێ کرا، هیچ پەیوەندییەکی بە ڕۆژەڤی سیاسیی ئەم مانگەی کۆتایی لە تورکیا کە باسی لێوە دەکرێت، نییە".