كۆڵبەرێكی دیكەی كورد بە تەقەی هێزە ئەمنییەكانی ئێران کوژرا

ئاڤا نیوز

 

كۆڵبەرێكی خەڵكی شاری مەهاباد لەكاتی كۆڵبەریدا لە سنووری شاری سەردەشتی ڕۆژهەڵاتی كوردستان لەلایەن هێزە ئەمنییەكانی ئێرانەوە تەقەی لێكرا و گیانی لەدەست دا.

 

ڕاگەیێنراوی فەرمی: رێكخراوی مافی مرۆڤی هەنگاو ڕایگەیاند: ڕۆژی هەینی 25-10-2024، هێزە ئەمنییەكانی ئێران تەقەیان لە ژمارەیەك كۆڵبەری كورد لە بەرزاییە سنوورییەكانی شاری سەردەشت لە ڕۆژهەڵاتی كوردستان كرد و بەو هۆیەوە كۆڵبەرێك بەناوی ئیبراهیم ئەحمەدنەژاد، خەڵكی شاری مهاباد گیانی لەدەست دا.

 

لەلایەكی دیكەوە: ڕێكخراوەكە ئاماژەی بەوەداوە، كۆڵبەرەكە بێ هیچ ئاگاداركردنەوەیەكی پێشوەختە لەلایەن هێزە ئەمنییەكانی ئێرانەوە پێكراوە، تەرمەكەی گواستراوەتەوە بۆ پزیشكی دادی سەردەشت و تاوەكو ئێستا ڕادەستی بنەماڵەكەی نەكراوەتەوە.