یەکگرتوو ئۆپۆزیسیۆنبوونی ڕاگەیاند

ئاڤا نیوز

یەکگرتووی ئیسلامی ڕایدەگەیێنێ، بەشداری لە كابینەی داهاتووی حكومەت ناکەن و لە پەرلەمان هەر بە ئۆپۆزیسیۆنی دەمێننەوە.

وێنە گەورەکە: یەکگرتووی ئیسلامیی کوردستان لە خولی پێنجەمی پەرلەمانی کوردستان کە خاوەنی پێنج کورسی بوو، ئۆپۆزیسیۆن بوو، بۆ پارێزگاریکردن لە دەنگ و کورسییەکانی، لە خولی شەشەمیش هەر وەکو ئۆپۆزیسیۆن دەمێنێتەوە.

چیرۆکی سەرەکی: ئەنجوومەنی جێبەجێكردنی یەكگرتوو بەسەرپەرشتی سەلاحەدین محەممەد بەهائەدین، ئەمینداری گشتی لەبارەی پرۆسەی هەڵبژاردن و حکومەتی داهاتووی هەرێمی کوردستان لە شاری هەولێر کۆبووەوە.

ڕاگەیێنراوی فەرمی: ئەنجوومەنی جێبەجێكردنی یەكگرتوو ڕایگەیاند: "بەشداریی لە كابینەی داهاتووی حكومەتی هەرێم ناکەن و درێژەپێدەری ڕەوتی ئۆپۆزیسیۆنی خۆی دەبێت لە پەرلەمانی كوردستان".

 

گۆشەیەکی دیکە: سەبارەت بە پرۆسەی ئاشتی لە توركیا کە چەند ڕۆژێکە هاتووەتەوە بەرباس، ئەنجوومەنەکە دووپاتی كردەوە، پێشوازی لەو هەوڵانە دەکات ئێستا دەدرێن بۆ چارەسەركردنی كێشەی كورد بە شێوەیەكی ئاشتییانە و دابینكردنی مافەكان بە گفتوگۆ و دانوستان.

 

لەلایەکی دیکەوە: لە کۆبوونەوەکەدا باسی ئامادەكارییەکان بۆ بەستنی كۆنگرەی نۆیەمی یەكگرتوو کراوە و جەخت کراوەتەوە لەكاتی دیاریكراوی خۆیدا دەکرێت کە کۆتایی مانگی 12ی ئەمساڵە.

باکگراوند: یەکگرتوو لە هەڵبژاردنی ئەمجارە 116 هەزار و 981 دەنگ (7) کورسی بەدەستهێناوە، بەراورد بە ساڵی 2018 ی پەرلەمان 49 هەزار و 269 دەنگ (2) کورسی زیادی کردووە.