ئێران: ئەمریکا بەشداربووە لە هێرشەکەی ئیسرائیل بۆ سەر وڵاتەکەمان

ئاڤا نیوز

 

ئێران ویلایەتە یەکگرتووەکانی ئەمریکا بە بەشداریکردن لە هێرشە ئاسمانییەکەی ئیسرائیل بۆ سەر وڵاتەکەی تۆمەتبار دەکات.

 

وێنە گەورەکە: بەرەبەیانی ڕۆژی شەممە 2024/10/26 ئیسرائیل بە دوو قۆناغ هێرشی ئاسمانی کردە سەر چەند بنکەیەکی سەربازیی ئێران لە پارێزگاکانی تاران و ئیلام و خۆزستان، وەک وەڵامێک بۆ هێرشە مووشەکییەکەی تاران بۆ سەر ئیسرائیل لە مانگی ڕابردوودا. هێرشەکە کاردانەوەی ناوچەیی و نێودەوڵەتیی بەدوای خۆیدا هێنا.

 

ڕاگەیێنراوی فەرمی: عەباس عێراقچی، وەزیری دەرەوەی ئێران ڕایگەیاند: ئەمریکا بە دابینکردنی ڕێڕەوی ئاسمانیی  بەشداری لە هێرشە ئاسمانییەکەی ئیسرائیل کردووە، ئەم بەشداریکردنە دروستکردنی گرژی زیاترە لە ناوچەکەدا. 

 

لەلایەکی دیکەوە: "شەوی ڕابردوو پەیامێکم بۆ ئەنتۆنیۆ گۆتێرێس، ئەمینداری گشتیی نەتەوەیەکگرتووەکان نارد و باسی ئەم دەستدرێژییەی سەر وڵاتەکەم کرد، داوای کۆبوونەوەی بەپەلەی ئەنجوومەنی ئاسایشی نەتەوەیەکگرتووەکانم کرد، هەرچەندە هیچ هیوایەک بۆ ئەوە نییە". عێراقچی وای گوت.