ئاژانسێکی ئەمریکی: ئێران دەیەوێت لە عێراقەوە وەڵامی ئیسرائیل بداتەوە

ئاڤا نیوز

 

ئاژانسی ئەکسیۆسی ئەمریکی لە زاری چەند سەرچاوەیەکی ئیسرائیلییەوە بڵاویکردووەتەوە کە بەگوێرەی زانیارییە هەواڵگرییەکانی ئیسرائیل ئێران سەرقاڵی خۆئامادەکردنە بۆ هێرشکردنە سەر ئیسرائیل.

 

زانیاریی بەدەستهاتوو: بە گوێرەی زانیارییەکان، هێرشەکەی ئێران لە خاکی عێراقەوە دەکرێت و تیایدا ژمارەیەکی زۆر درۆن و مووشەکی بالیستیک بەکار دەهێنرێت. هاوکات بە ئەگەری زۆر بەر لە هەڵبژاردنەکانی سەرۆکایەتیی ئەمریکا 2024/11/5 هێرشەکە دەکرێت.

 

ئەوەی پێشبینی دەکرێت: بەگوێرەی ڕاپۆرتەکە ئەم هێرشەی ئێران لە ڕێگەی میلیشیا عێراقییەکانەوە دوو ئامانج دەپێكێت، یەکەم: ئێران تۆڵەی خۆی لە هێرشە مووشەکیی و ئاسمانییەکەی  ماوەی ڕابردوو دەکاتەوە، دووەمیش ڕێگە لەوە دەگرێت جارێکی دیکە ئیسرائیل وەڵام بداتەوە و هێرش بکاتەوە سەر ئێران

.

باکگراوند: ئیسرائیل بەرەبەیانی ڕۆژی شەممە 26-10-2024، هێرشی ئاسمانی کردە سەر چەند دامەزراوەیەکی سەربازی و مووشەکی ئێران، چەند سیستمێکی بەرگریی و بنکەی مووشەکیی ئێران لەناوچوون و چوار سەربازیش کوژران.