پێکهاتەکان داوا دەکەن لەکابینەی دەیەمدا بەشدارییەکی کارایان هەبێت

ئاڤا نیوز

 

پێکهاتەکان لە هەرێمی کوردستان لە گفتوگۆ و کۆبوونەوەی بەردەوام دان بۆ بەشداریکردن لە کابینەی دەیەمی حکومەتی هەرێمی کوردستان، بەشێکیان خۆیان یەکلایکردووەتەوە و دوای پۆستی باڵا دەکەن.

 

وێنە گەورەکە: هەرێمی کوردستان وەک وێنەیەکی جوانی پێکەوەژیانی نەتەوە و ئاینە جیاوازەکان سەیردەکرێت، تەواوی پێکهاتەکان مافی ئەوەیان پێدراوە نوێنەری خۆیان هەبێت لە پەرلەمانی کوردستان، پارتی دیموکراتی کوردستانیش پێداگیربووە لەسەر ئەوەی پێکهاتەکان بێبەش نەکرێن لە هەڵبژاردن. 

 

زانیاریی زیاتر: بەرەی تورکمانی عێراقی و پارتی چاکسازی لە هەرێمی کوردستان، داوای دوو وەزارەت و پۆستێکی باڵا دەکەن لەسەرۆکایەتیی هەرێم.

 

لێدوانی فەرمی: مونا قەهوەچی، جێگری سەرۆکی پارتی چاکسازی تورکمان بە ئاڤا نیوز ڕاگەیاند: ئەوان بەشداریی لە پێکهێنانی کابینەی دەیەم دەکەن، وەرگرتنی پۆسی لە پەرلەمان و حکومەت بە مافی خۆیان دەزانن.