زیاتر لە 600 جووتیار و خاوەن باخ لە 10ـین ڤیستیڤاڵی هەنار لە هەڵەبجە بەشدارن

ئاڤا نیوز

 

بە بەژداری زیاتر لە 600 خاوەن باخ و جووتیار، دەیەمین ڤیستیڤاڵی هەنار لە پارێزگای هەڵبجە بەرێوە دەچێت.

 

بۆچی گرنگە: لەماوەی سێ ڕۆژی بەڕێوەچوونی فێستیڤاڵەکە دەیان هەزار گەشتییار لەناوچە جیاجیاکانی هەرێمی کوردستان تەنانەت دەرەوەی هەرێمیش بۆ پارێزگای هەڵەبجە سوودێکی زۆر بە ئابووری پارێزگاکە دەگەیێنێت و جیا لە هەنار دەیان جۆری دیکەی بەرهەمی خۆماڵی دەخرێنە ڕوو،  ئەمەش سوودێکی زۆر بە جووتیار و کاسبکارانی دەڤەرەکە دەگەیێنێت و بڕێکی زۆری بەرهەمەکانیان لەو سێ ڕۆژەدا ساغ دەکەنەوە.

 

زانیاریی زیاتر: تەنها لە یەکەم ڕۆژی ڤیستیڤاڵی هەنار زیاتر لە 80 هەزار گەشتیار سەردانی پارێزگای هەلەبجەیان کردووە ، پێشبینیش دەکرێت تا کۆتایی هاتنی ڤیستیڤاڵەکە ژمارەی گەشتیاران نزیک بێتەوە لە 300 هەزار گەشتیار، لە ڤیستیڤاڵەکە لە پاڵ بەرهەمەکانی هەناردا ، هەریەک لە بەرهەمەکانی گوێز و هەنگوین و وشکەی تێدا نمایش دەکرێت ئەمەش وا دەکات ڤیستیڤاڵەکە هەمە چەشن بێت و هەڵی کاری زیاتر بۆ خەلکی ناوچەکە بڕەخسێنیت.

کاریگەری و لێکەوتەکان: فێستیڤاڵەکە بوەتەهۆی بوژانەوەی کەرتی گەشتیاری ،دانیشتووانی شارەکە بە گرنگیەوە لەم ڤیستیڤاڵە دەروانن، چونکە هەرکات کە ڤیستیڤاڵی هەنار لە هەڵبجە ئەنجامدەدرێت سەرجەم شەقام و دووکان و بازاری شارەکە پر دەبێت لە گەشتیار.