حیزبوڵڵا ناوەڕاستی ئیسرائیل بۆردوومان دەکات

ئاڤا نیوز 

 

لە ئەنجامی کەوتنەخوارەوەی مووشەکێک لە ناوەڕاستی ئیسرائیل، 19 کەس برینداربوون.

 

وێنە گەورەکە: ڕۆژی شەممە، لە ئەنجامی کەوتنەخوارەوەی مووشەکێک لە شارۆچکەی تێرا لە ناوەڕاستی ئیسرائیل، کە لەلایەن حیزبوڵڵاوە ئاراستەی کرابوو، 19 کەس برینداربوون.

 

ڕاگەیێنراوی فەرمی: سوپای ئیسرائیل ڕایگەیاند: لە ژمارەیەک ناوچەی ناوەڕاستی ئیسرائیل زەنگی ئاگادارکردنەوە لێدراوە، دوای ئاراستەکردنی سێ مووشەک لە لایەن حیزبوڵڵاوە لە لوبنان. 

 

لەلایەکی دیکەوە: یۆئاڤ گالانت، وەزیری بەرگری ئیسرائیل ڕایگەیاند: حیزبوڵڵا چیتر توانای وەڵامدانەوەی ئەو هێرشانەی نییە کە پێی دەگات، چونکە تەنیا 20% مووشەکی لە کۆگاکانی ماوەتەوە.

 

زانیاریی زیاتر: ئیسرائیل هێرشی ئاسمانی و زەمینی بۆسەر لوبنان چڕتر کردۆتەوە و لە ئەنجامی ئۆپراسیۆنەکانی ئیسرائیل تا ئێستا هەزار لوبنانی کوژراون و برینداربوون و ملیۆنێک و 500 هەزار کەسی دیکەش ئاوارەبوون.