ئەمساڵ 50 هەزار قوتابی لە زانکۆ و پەیمانگە حکومییەکان وەردەگیرێن

ئاڤا نیوز

 

سبەی یەکشەممە ئەنجامی زانکۆلاین ڕادەگەیێنرێت، ئاڤا نیوز زانیویەتی 50 هەزار قوتابی ناویان لە زانکۆ و پەیمانگە حکومییەکان گەڕاوەتەوە.

وێنە گەورەکە: وەزارەتى خوێندنى باڵا و توێژینەوەى زانستى سبەی یەکشەممە لە کۆنگرەیەکى رۆژنامەوانیدا ئەنجامەکانى وەرگرتنى دەرچووانى 12ى ئامادەیی لە زانکۆ و پەیمانگەکان بۆ ساڵى نوێى خوێندنى 2024-2025 ڕادەگەیێنێت.

لێدوانی فەرمی: ئێوارەی ئەمڕۆ د.ئارام قادر، وەزیری خوێندنی باڵا ڕایگەیاند، سەرجەم ئەو قوتابیانەی زانکۆلاینیان پڕکردووەتەوە وەرگیراون.

زانیاریی تایبەت: ئەمساڵ 55 هەزار قوتابی بە سەرکەوتوویی پۆلی 12 یان تەواو کرد. ئاڤا  زانیویەتی لەو ژمارەیە نزیکەی 50 هەزاریان فۆرمی زانکۆلاینیان پڕکردووەتەوە و سەرجەمیان وەرگیراون.

زانیاریی زیاتر: قوتابییەکانی شنگال و کەرکووک کە زانکۆلاینیان پڕکردووەتەوە، لەنێو قوتابییە وەرگیراوەکانی هەرێمی کوردستانن.