وەزارەتی خوێندنی باڵا زانکۆکان لە ڕاگەیاندنی پشوو سەرپشک دەکات

ئاڤا نیوز

 

وەزارەتی خوێندنی باڵا و توێژینەوەی زانستیی حکومەتی هەرێمی کوردستان بە هۆی ڕەوشی کەشوهەواوە بڕیاری دا دەسەڵات بدرێت بە سەرۆکی زانکۆکان بۆ ئەوەى لەکاتى پێویستدا دەوام ڕابگرن.

 

ڕاگەیێنراوی فەرمی: وەزارەتى خوێندنى باڵا لەسەر فەرمانى د. ئارام محەممەد قادر، وەزیرى خوێندنى باڵا و توێژینەوەى زانستى ڕایگەیاند، بە پشتبەستن بە پێشبینییەکانى دامەزراوەى کەشناسى و بوومەلەرزەزانى هەرێمى کوردستان، بڕیار درا دەسەڵات بدرێت بە سەرۆکی زانکۆکان بۆ ئەوەى لەکاتى پێویستدا دەوام ڕابگرن.

 

وێنە گەورەکە: دامەزراوەى کەشناسى و بوومەلەرزەزانى هەرێمى کوردستان هۆشدارى داوە کە لە ئەمشەوەوە تاوەکو سبەی ئێوارە شەپۆلێکی چڕی بارانبارین ناوچە جیاجیاکانی هەرێمی کوردستان دەگرێتەوە، لە هەندێک شوێن مەترسی کۆبوونەوەی ئاو و دروستبوونی لافاو هەیە، بەم هۆیەوە لە چەند ناوچەیەک بەتایبەت ناوەندەکانی خوێندن پشوو ڕاگەیێنراوە.