ئاڤا ناوی ئەو کەسانە بڵاو دەکاتەوە بە تەزکیەی حیزبی لە زانکۆی ڕاپەڕین دامەزراون

ئاڤا نیوز

دوای ناڕەزایەتیی مامۆستا و فەرمانبەرانی زانکۆی ڕاپەڕین، کاندیدێکی دەرچووی پارتی دەڵێت: "لە نووسینگەی سەرۆکوەزیران مەسرور بارزانی و دیوانی ئەنجوومەنی وەزیران بەدواداچوونمان لەسەر پرسی دامەزراندنی مامۆستایانی زانکۆی ڕاپەڕین کردووە".

 

وێنە گەورەکە: چەند ڕۆژێکە مامۆستا و فەرمانبەرانی زانکۆی ڕاپەڕین ناڕەزایەتیی دژی دامەزراندنی 395 مامۆستا بە گرێبەست دەردەبڕن، وەک خۆیان دەڵێن ئەوا کەسانە وانەبێژ نەبوون و کەسوکاری بەرپرسانی زانکۆکەن، بەم هۆیەشەوە ئەمڕۆ یاریدەدەری سەرۆکی زانکۆی ڕاپەڕین دەستی لە کارکێشایەوە.

 

لێدوانی فەرمی: مەرد عەلی خاڵەم، کاندیدی دەرچووی پارتی لە بازنەی سلێمانی، ڕایگەیاند: دەبێت ئەو مامۆستایانەی شایستەن لەو کەسانەی ناشایستەن جیا بکرێنەوە.

 

کاندیدە دەرچووەکەی پارتی دەڵیت: لە نووسینگەی سەرۆکوەزیران مەسرور بارزانی و دیوانی ئەنجوومەنی وەزیران بەدواداچوونمان لەسەر دامەزراندنی لیستی مامۆستایانی وانەبێژی زانکۆی ڕاپەڕین کردووە، داوای هەڵوەشاندنەوەی دەکەین.

 

بەگوتەی مەرد عەلی خاڵە، 'گەندەڵییەکی ڕوون و ئاشکرا کراوە، حزبی باڵا دەستی دەڤەری ڕاپەڕین دەیەوێت کەسانی ناشایستە بخاتە شوێنی مامۆستایانی دڵسۆزی زانکۆی ڕاپەڕین.

 

زانیاریی زیاتر: داوا لە ئەنجوومەنی وەزیران کراوە بە پشتبەستن بە نووسراوی فەرمی ژمێریاری و گەنجینەی ڕاپەڕین، ئەو ناوە زیادکراوانەی بە نایاسایی زیادکراون دەربهێنرێن.

 

ئەوەی پێویستە بزانیت: ژمارەی ئەو کەسانەی کە لە لیستی ناوی بە گرێبەستکراواندا هاتووە 395 کەسە، لەو ژمارەیەش تەنها 147 کەسیان مافی وەرگرتنیان هەیە و پێشتر خزمەتی زانکۆییان هەبووە، 248 لەو کەسانەی کە ناویان لە لیستەکەدا هاتووە لەسەر بنەمای خزمایەتی و تەزکیەی حیزبی بوون. 

 

لیستی ناوی ئەو کەسانەی لە زانکۆی ڕاپەڕین دامەزرێنراون: