سەرۆک بارزانی جەخت لە یەکڕیزی لایەنە کوردییەکانی سووریا دەکاتەوە

ئاڤا نیوز

سەرۆک بارزانی لەگەڵ شاندێکی باڵای "ئەنەکەسە" کۆبووەوە و جەختی لەسەر پێویستیی یەکڕیزی لایەنە کوردییەکانی سووریا کردەوە.

چیرۆکی سەرەکی: ئەمڕۆ چوارشەممە 15-10-2025، لە پیرمام سەرۆک مەسعود بارزانی پێشوازی لە شاندێکی باڵای "ئەنەکەسە" کرد کە پێکهاتبوو لە سکرتێری پارتە سیاسییەکانی ناو "ئەنەکەسە".

ڕاگەیێنراوی فەرمی: بارەگای بارزانی ڕایگەیاند، لە دیدارەکەی لەگەڵ شاندی باڵای ئەنەکەسە، سەرۆک بارزانی ئاماژەی بە دۆخی کورد لە سووریا کرد و جەختی لەسەر پێویستیی یەکڕیزی لایەنە کوردییەکانی سووریا کردەوە.

داواشی کرد، لایەنە کوردییەکان بە ئاراستەی بەهێزترکردنی بنەماکانی ئاشتەوایی کۆمەڵایەتی و تەبایی لەگەڵ عەرەب و پێکهاتەکانی دیکەی سووریا کار بکەن.

ئەمەش بزانە: هەر لە دیدارەکەدا، بیروڕا لەبارەی بارودۆخی سیاسی ناوچەکە و دوایین پێشهاتەکانی سووریا ئاڵوگۆڕ کرا.