ئاڤا ناوی قوتابیانی وەرگیراو لە زانکۆ و پەیمانگەکان بڵاودەکاتەوە

ئاڤا نیوز

 

وەزارەتی خوێندنی باڵا و توێژینەوەی زانستی، ناوی قوتابیانی وەرگیراوی پۆلی 12ـی ئامادەیی لە زانکۆ و پەیمانگەکان بڵاوکردەوە.

 

ڕاگەیێنراوی فەرمی: ئەمڕۆ یەکشەممە 2024/11/3، لە کۆنگرەیەکی ڕۆژنامەوانیدا وەزارەتی خوێندنی باڵا و توێژینەوەی زانستی ئەنجامی زانکۆلاینی ڕایگەیاند: "سەرجەم ئەو قوتابیانەی فۆرمی زانکۆلاینیان پڕکردووەتەوە وەرگیراون".

 

زانیاریی زیاتر: ئەمساڵ وەزارەتی خوێندنی باڵا پلانی وەرگرتنی 64 هەزار و 761 قوتابی هەبوو، 53 هەزار و 79 کەس لە زانکۆ و پەیمانگەکان وەرگیراون و  4٪ لەوانەی فۆرمی زانکۆلاینیان پڕکردووەتەوە وەرنەگیران، لەمبارەیەوە وەزارەتی خوێندنی باڵا دەڵێت: نزیکەی 13 هەزار و 229 بەتاڵ ماون و ئەوانیش هەموویان وەردەگیرێن.

 

ئەوەی پێویستە بیزانیت: قوتابییە دەرچووەکانی پۆلی 12 لە کەرکووک و شنگال کە زانکۆلاینیان پڕکردووەتەوە، لە زانکۆ و پەیمانگاکانی هەرێمی کوردستان وەرگیراون و ژمارەیان 804 قوتابییە.

 

بۆ دۆزینەوەی ناوەکەت کلیک لەسەر ئەم لینکە بکە:   زانکۆلاین