خوێندنی باڵا لەبارەی قوتابیانی وەرنەگیراو بڕیاری دا

ئاڤا نیوز

 

وەزارەتی خوێندنی باڵا و توێژینەوەی زانستیی هەرێمی کوردستان لە کۆنگرەیەکی ڕۆژنامەوانیدا ناو و ڕێژەی قوتابیانی وەرگیراو و وەرنەگیراوی لە زانکۆ و پەیمانگاکان بڵاوکردەوە.

 

ڕاگەیێنراوی فەرمی: لە کۆنگرە ڕۆژنامەوانییەکەدا وەزارەتی خوێندنی باڵا ڕێژەی ئەو قوتابیانەی کە لە زانکۆ و پەیمانگاکان وەرنەگیراون بڵاوکردەوە، کە ژمارەیان دەگاتە 1763 قوتابی و بەڕێژەی 4٪ـی کۆی ئەو قوتابیانەی داواکاریان پێشکەشکردووە.

 

ئەوەی پێوسیتە بیزانیت: وەزارەتی خوێندنی باڵا چارەنووسی ئەو قوتابییانەی یەکلاکردەوە کە وەرنەگیراون و گوتی، " نزیکەی 13 هەزار کورسی بەتاڵ ماون و ئەو قوتابیانەی وەرنەگیراون بەسەر ئەو کورسیانە دابەشدەکرێن و سەرجەمیان وەردەگیرێن".

 

ئەمەش بزانە: خوێندنی باڵا هۆکاری وەرنەگرتنی ئەو قوتابیانە لە قۆناغی یەکەمدا بۆ ئەوە دەگێڕێتەوە، ئەو قوتابییانە نمرەکانیان کەمتر بووە لەو بەشەی داواکارییان بۆی پێشکەشکردووە.