15 ڕێنمایی بۆ قوتابیانی تازەوەرگیراو لە زانکۆ و پەیمانگەکان

کوردستان
2024-11-04

شەیری بکە لە:

15 ڕێنمایی بۆ قوتابیانی تازەوەرگیراو لە زانکۆ و پەیمانگەکان

تابلۆی زانکۆی سەڵاحەدین و ڕووپەڕی فۆرمی پڕکردنەوە، گرافیک: بڕوا ئیبراهیم

ئاڤا نیوز

چۆنیەتی خۆتۆمارکردنی قوتابیانی تازەوەرگیراو لە زانکۆ و پەیمانگەکان بڵاودەکرێتەوە و پێویستە قوتابیان 15 پێدوایستی ئامادە بکەن.

وێنە گەورەکە: لە ئەمڕۆوە زانکۆ و پەیمانگە حکومییەکانی هەرێمی کوردستان پێشوازی لە قوتابیانی قۆناغی یەکەم دەکەن، دەبێت قوتابیان لە ماوەی شەش ڕۆژدا مامەڵەکەیان تەواو بکەن و ڕێکەوتى 10-11-2024 دەست بە پرۆسەى خوێندن دەکرێت. دەبێت قوتابیان کۆمەڵێک مەرج و ڕێنمایی لە مامەڵەکانیان جێبەجێ بکەن و بە نزیکەیی لە سەرجەم زانکۆ و پەیمانگەکان هاوشێوەن.

ڕاگەیێنراوی فەرمی: زانکۆی سەڵاحەدین پێداویستییەکانى تۆمارکردنى قوتابیانى بڵاوکردووەتەوە و بریتین لە:

1- بڕوانامەى ڕەسەنى پۆلى 12ى ئامادەیى پەسەندکراو لەلایەن بەڕێوەبەرایەتیى پەروەردە.

2- پشکنینى پزیشکى (بە مەرجێک لە بنکەى تەندروستى زانکۆ ئەنجامدرا بێ).

3- کارتى نیشتمانى (یاخود ناسنامەى بارى شارستانى و ڕەگەزنامە)ى ڕەسەن لەگەڵ کۆپى ڕەنگاوڕەنگ.

4- کارتى زانیارى (ڕەسەن) یاخود پشتگیرى موختار لەگەڵ کۆپى ڕەنگاوڕەنگ.

5- پسوولەى خۆراکی ڕەسەن ( کۆپى ڕەنگاوڕەنگ).

6- وێنەى معاملات ( 6 دانە) .

7- پاسپۆرت (ئەگەر هەبێت).

8- دەستەبەرى قوتابى(کفالە) پێویستە فەرمانبەرێکى حکومى ببێتە کەفیلى قوتابى و پشتگیرییەک لە فەرمانگەکەى بھێنێت کە تێیدا مووچەکەى ئاماژە پێکرابێت، پێویستە ئاماژە بە ناوى قوتابییەکە بکرێت لە پشتگیرییەکە، هەروەها خودى کەفیل ئامادەبێت لەکاتى خۆتۆمارکردنى قوتابى یاخود هێنانى دەستەبەر (کفالە) لە دادنووس.

9- بەڵێنامەى قوتابی.

10- پسوولەى خۆتۆمارکردنى قوتابیانى وەرگیراو بە زانکۆڵاین.

11- پسوولەى قیستى یەکەم بۆ وەرگیراوانى پاڕاڵێل ( کۆلێژ).

12 – بڕینى پسوولەى دارایی وەکو بارمتە (تأمین ) بۆ قوتابیانى وەرگیراو بە سیستەمى زانکۆڵاین، بەمەبەستى نیشتەجێبوون لە بەشەناوەخۆیى.

13- بڕینى پسوولەى دارایى بۆ قوتابیانى وەرگیراو بە سیستەمى پاڕاڵێل.

14- پسوولەى دارایی بۆ دروستکردنى ناسنامەى قوتابى.

15- کۆپییەک لەو زانیاریانەی پێشکەشت کردووە لەڕێگەی فۆرمی پێشکەشکردن کە بۆ ئیمەیڵەکەت دەگەڕێتەوە کە لە خوارەوە ئاماژەی پێکراوە.

زانیاریی زیاتر: لە ڕێگەی ئەم لینکەی خوارەوە قوتابییان دەتوانن فۆڕمی پێشکەشکردن لە زانکۆی سەڵاحەددین پڕبکەنەوە، پێویستە قوتابیان دڵنیابن لە ڕاست و دروستی زانیارییەکان، لەبەرئەوەی تەنها یەکجار بۆیان هەیە فۆڕم پڕبکەنەوە.