هەڵەبجە شەوێکی سەخت و باراناوی بەڕێکرد

ئاڤا نیوز

هەڵەبجە شەوێکی بارانی و سەختی بەڕێکرد کە بووە هۆی دروستبوونی لافاوێکی گەورە و زیانی بەزیاتر لە 20 ماڵ گەیاند، سەرەڕای هۆشداری لەدروستبوونی لافاو، بەڵام بەرپرسانی ئیداری شارەکە لەهەڵەبجە نەبوون، ئەمەش نیگەرانی لای هاوڵاتیان دروستکرد.

 

وێنە گەورەکە: تیمەکانی وەڵامدانەوەی قەیرانی پارێزگای هەڵەبجە ئاشکرای کردووە، قەبارەی ئەو زیانانەی لە ئەنجامی بارانبارینی شەوی ڕابردوودا ڕوویداوە بە نزیکەی 500 ملیۆن دینار خەمڵێنراوە.

 

ئەوەی پێویستە بیزانیت: لە ماوەی 24 کاتژمێری ڕابردوو، لە ناو شاری هەڵەبجە بڕی 106 ملیمەتر باران باریوە.

 

ئەوەی لەوبارەیەوە دەگوترێت: نەبوونی بەرپرسانی شار بوو لە کاتی کارەساتەکەدا. ئەو بەرپرسانەی تەنها لە کاتی دەوامی فەرمیدا لە شارەکەن و لە کاتی پێویستدا ئامادە نین، "ئەوەش نیگەرانی زیاتری لەلای خەڵکی شارەکە دروستکرد".