چوارچێوەی هەماهەنگی داوای درێژکردنەوەی وەرزی یاسادانانی پەرلەمان دەکات

ئاڤا نیوز

 

چوارچێوەی هەماهەنگی داوا لە پەرلەمانی عێراق دەکات وەرزی یاسادانانی خۆی درێژبکاتەوە، بەجۆرێک لەگەڵ گۆڕانکارییەکانی ناوچەکە و بەدیهێنانی شایستە یاساییە گرنگەکاندا بگونجێت.

 

وێنە گەورەکە: شەوی دووشەممە سەرکردەکانی چوارچێوەی هەماهەنگی شیعەکان لە ماڵی حەیدەر عەبادی سەرۆکی هاوپەیمانی نەسر کۆبوونەوە و لە ڕاگەیێنراوی کۆبوونەوەکەدا ئاماژە بەوەدەکەن، جەخت دەکەنەوە لەسەر پشتیوانیکردنی پەیامەکەی مەرجەعی باڵای شیعەکان لە عێراق کە داوای ڕێگری لە دەستوەردانی دەرەکیی، هێشتنەوەی چەک لە دەستی دەوڵەت و ڕووبەڕوونەوەی گەندەڵی دەکات.

 

لەلایەکی دیکەوە: چوارچێوەی هەماهەنگی داوای لە پەرلەمان کرد وەرزی یاسادانانی خۆی درێژبکاتەوە و پشووەکانیشی کەمتر بکاتەوە، بۆ ئەوەی کارەکانی دامەزراوەی یاسادانان لەگەڵ گۆڕانکارییەکانی ناوچەکە و بەدیهێنانی شایستە یاساییە گرنگەکاندا بگونجێت.

 

لە گۆشەیەکی دیکە: لە ڕاگەیێنراوەکەدا هاتووە، جەخت لە بەردەوامی پاڵپشتی گەلانی لوبنان و فەڵەستین کراوەتەوە لەبەرامبەر ئەو هێرشانەی ئیسرائیل بەشێوەی ڕۆژانە دەیکاتە سەریان.