هاووڵاتییانی بانە توڕەن لە تێکدانی سرووشتی ناوچەکەیان

ئاڤا نیوز

بەهۆی زیادبوونی چالاکییەکانی دەرهێنانی کانزا و بەردی بەنرخ و زێڕ، بەشێک لە سرووشتی ناوچەی بانەی ڕۆژهەڵاتی کوردستان تێکدراوە و دانیشتووانەکەشی وەکو ناڕەزایەتییەک ئامێرەکان دەسوتێنن. 

چیرۆکی سەرەکی: دانیشتووانی ئەو ناوچەیە ماوەیەکی زۆرە هۆشدارییانداوە بە لایەنە پەیوەندیدارەکان تاوەکو خەمێک لە تێکدانی سرووشتی ناوچەکە بخۆن، بەهۆی ئەوەی کۆمپانیاکانی دەرهێنانی زێڕ تەماحکرانە بەردەوامن لە بردنی زێڕ و وێرانکردنی ناوچە شاخاوییەکان. 

زانیاریی زیاتر: دانیشتووانی بانە دوای ئەوەی وەکو ناڕەزایەتییەک بەشێک لە ئامێرەکانی دەرهێنانی زێڕیان سوتاند، داوا دەکەن ئەوکارە زیاتر درێژەی پێنەدرێت، بەهۆی ئەوەی سەرچاوە ئاوییەکانیان پیسبوون و ئاوی پێویستیش ناگات بە زەوییە کشتوکاڵییەکانیان.