سەرۆک بارزانی: ئەمڕۆ ڕۆژێكی مێژووییە لە پەیوەندییەكانی ئەمریكا و هەرێمی كوردستان

ئاڤا نیوز

جێگری وەزیری دەرەوەی ئەمریكا، پیرۆزبایی سەركەوتنە مەزنەكەی پارتی لە هەڵبژاردن، لە سەرۆک بارزانی كرد، هاوكات ڕۆڵ و پێگەی سەرۆک بارزانی لە پێشخستنی هەرێمی كوردستان و بەرەنگاربوونەوەی تیرۆر بەرز نرخاند.

چیرۆكی سەرەكی: ئەمڕۆ چوارشەممە لە هەولێر، سەرۆک بارزانی، لەگەڵ مایکل ڕیگاس، جێگری وەزیری دەرەوەی ئەمەریکا و شاندێکی باڵیۆزخانەی ئەمریکا لە عێراق کۆبووەوە.

ڕاگەیێنراوی فەرمی: بارەگای بارزانی لەبارەی كۆبوونەوەكە ڕاگەیێنراوێكی بڵاوكردووەتەوە و ئاماژەی بەوە كردووە، لەدیدارەکەدا جێگری وەزیری دەرەوەی ئەمەریکا خۆشحاڵی خۆی بە سەردانی بۆ هەرێمی کوردستان نیشاندا و پیرۆزبایی سەرکەوتنی پڕۆسەی هەڵبژاردنی ئەنجوومەنی نوێنەرانی عێراق و سەرکەوتنی پارتی لە سەرۆک بارزانی کرد. هاوكات ڕۆڵ و پێگەی سەرۆک بارزانی لەپێشخستنی هەرێمی کوردستان و بەرەنگاربوونەوەی تیرۆر و پاراستنی سەقامگیری و ئاسایشی ناوچەکە، بەرز نرخاند.

لەلایەکی دیکەوە: جێگری وەزیری دەرەوی ئەمەریکا باسی لە بەردەوامی و فراوانکردنی پەیوەندییەکانی نێوان ئەمریکا و هەرێمی کوردستان کرد لە هەموو بوارەکاندا و کردنەوەی باڵەخانەی گەورەترین کونسوڵخانەی ئەمریکای لە هەولێر بە هەنگاوێکی گرنگ وەسفکرد و ڕایگەیاند: "کردنەوەی گەورەترین کونسوڵخانەی ئەمەریکا لە هەرێمی کوردستان پەیامێکی ڕوونە کە ئەمەریکا لەگەڵ هەرێمی کوردستانێکی بەهێز و سەقامگیر و ئارام و ئاوەداندایە".

جێگری وەزیری دەرەوەی ئەمریكا ڕاشیگەیاند، ئاسایش و سەقامگیریی هەرێمی کوردستان بۆ هەموو ڕۆژهەڵاتی ناوەڕاست گرنگە و ئەمریکا پشتیوانی لە هەرێمی کوردستان دەکات. لەو چوارچێوەیەشدا، بە تووندی ئیدانەی هێرشەکەی سەر کۆرمۆری کرد و داوایکرد، ئەم کارە تێکدەرانە کۆتایی پێ بهێنرێن.

پەیامی فەرمی: سەرۆک بارزانی ئەمڕۆی بە ڕۆژێکی مێژوویی وەسفکرد لە پەیوەندییەکانی نێوان ئەمەریکا و هەرێمی کوردستان بە کردنەوەی گەورەترین کونسوڵخانەی ئەمەریکا لە هەرێمی کوردستان و هەولێری پایتەخت.

سەرۆک بارزانی باسی لە  مێژووی چەوساندنەوەی گەلی کوردی لەلایەن ڕژێمە یەک لە دوای یەکەکانی عێراق کرد و ڕایگەیاند، ئەو دەرفەتەی کە لە ڕاپەڕین بۆ گەلی کوردستان دروستبوو و ئەو ڕۆڵەی ئەمەریکا و ئەنجوومەنی ئاسایش لە دامەزراندنی ناوچەی دژەفڕین بۆ پاراستنی کوردستان هەیانبوو، بوو بەهۆی ئەوەی هەرێمی کوردستان بتوانێت سوود لەم دەرفەتە وەربگرێت و پڕۆسەیەکی دیموکراسی بهێنێتە ئاراوە و لە ڕێگەی هەڵبژاردنەوە حکومەت و پەرلەمان و دامودەزگاکانی هەرێمی کوردستان بونیاد بنێت.

زانیاریی زیاتر: سەرۆک بارزانی باسی لە ڕۆڵی گرنگی ئەمەریکا لە شەڕی دژی تیرۆرستانی داعش کرد و باسی لەوەکرد کە هێزی پێشمەرگەی کوردستان لەم شەڕەدا شەهید و قوربانییەکی زۆری دا، بەڵام ئەگەر پشتیوانیی ئەمەریکا نەبا قوربانییەکان زیاتر دەبوون.

سەرۆک بارزانی ئاماژەی بە ڕۆلی گرنگی ئەمەریکا لە ناوچەکە دا و سوپاس و پێزانینی گەلی کوردستانی ئاراستەی ئەمریکا کرد و ڕایگەیاند، "گەلی کوردستان گەلێکی بە وەفایە بەرامبەر ئەو پشتیوانی و هاوکارییانەی ئەمریکا بۆی هەبووە"، هاوكات پاڵپشتیی خۆی نیشاندا بۆ بەردەوامی و باشترکردنی پەیوەندی نێوان هەردوولا لە بوارە جۆراوجۆرەکاندا.