سێ ملیۆن کەس لە پرۆژەکانی کوردستان فاوندەیشن سوودمەند بوون

ئاڤا نیوز

تەنها لەماوەی یەک ساڵی تەمەنی، کوردستان فاوەندەیشن 49 پرۆژەی جۆراوجۆری جێبەجێ کردووە، زیاتر لە سێ ملیۆن کەس لەو پرۆژانە سوودمەند بوون.

وێنە گەورەکە: کوردستان فاونده‌یشن، تۆڕێکی ڕێکخراوی ناحکومیی قازانج نەویستە، بە ئامانجی باشتركردنی کۆمەڵگە و هاوتەریب لەگەڵ بەها بەرز و سەردەمییەكان، كار لەسەر بەهێزکردن و پێشخستنی هەرێمی کوردستان دەکات، بە بەشداریی ئەرێنی لە كۆمەڵگەی نێودەوڵەتی، كار له‌سه‌ر بنه‌ماكانی نیشتمانیبوون، بوونیادنان، پێشكه‌وتن، ده‌كات.

لێدوانی فەرمی: ساکار عومەر، بەڕێوەبەری پەیوەندییە گشتییەکان لە کوردستان فاوندەیشن بە ئاڤا میدیای گوت: کوردستان فاوندەیشن 49 پڕۆژەی لەلایەن هەر چوار ڕێکخراوەکەی ژێر چەتری کوردستان فاوندەیشنەوە جێبەجێ کراون، دوو ملیۆن و 969 هەزار و 126 کەس لێی سوودمەند بوون، زیاتر لە 330 هەزار کەسیش بە شێوەی ناڕاستەوخۆ لێی سوودمەند بوون، بە جۆرێک تەنیا لە پرۆژەی ئی-هەڵسەنگاندن، دوو ملیۆن کەس لێی سوودمەند بوون.

زانیاریی زیاتر: کورستان فاوندەیشن، 28 هاوبەشی ناوخۆیی و نێودەوڵەتی هەیە بەمشێوەیەوە:

- 13 هاوبەشی نێودەوڵەتیی گرنگترینیان: قەتەر فاوندەیشن، تۆڕی هیوا لە بەحرەین، تاقیگەی فاڵین لابس لە بەرلین، ئای ئۆ ئێم، جی ئای زێت، خەڵاتی پەیمانگای شا حەمەد، گلۆباڵ پیس فاوندەیشن ) فاوندەیشنی ئاشتی جیهانی(، پرۆگرامی ئاڵوگۆڕی ئەزموون لەگەڵ كونسوڵخانەی چین و نور فاوندەیشن لە ئیمارات.

- 15 هاوبەشیی ناوخۆیی گرنگترینیان: وەزارەتی پەروەردە، وەزارەتی تەندروستی، وەزارەتی شارەوانی، وەزارەتی ناوخۆ، زانكۆی ئەمریكی – كوردستان، زانكۆی ئەمریكی سلێمانی، زانكۆی سەڵاحەدین- هەولێر، زانكۆی سۆران، زانكۆی زاخۆ، فلای ئەربیل، ئۆفیسی سەرۆكوەزیران و كوردستان كرۆنیكل.

ژمارەکان وادەڵێن: لە ماوەی یەک ساڵدا کوردستان فاوەندەیشن 49 پرۆژەی جۆراوجۆری جێبەجێ کردووە بەمجۆرەی خوارەوە: 

KRD.Volnteer: خۆبەخشان بەو دەرفەتانەوە دەبەستنه‌وه‌ کە بەردەستن لە ڕێکخراو و کۆمپانیاکانی سەرتاسەری کوردستان و کار لەسەر پێشخستن و بەهێزکردنی بەشداریی چالاکانە وکاریگەریی به‌ كۆمه‌ڵ ده‌كه‌ن. پلاتفۆرمەکە کار لەسەر پەرەپێدانی کاری خۆبەخشی دەکات، وەک هاندەرێک بۆ گۆڕانکاریی ئەرێنی و ئەفڕاندنی ئایندەیەكی باشتر بۆ هەمووان، ئەمەش لە ڕێگەی پەیوەندیگرتنی ئاسانەوە.

ژمارەی پرۆژە: 7 پڕۆژە

 كۆی خۆبەخشانی تۆماركراو: 25 هەزار خۆبەخش

 تەنیا لەمساڵدا: 14 هەزار خۆبە خشی تازە ناویان تۆمار كردووە

 كاتژمێری خۆبەخشی: 41 هەزار و 292 كاتژمێری تۆماركراو

 ژمارە ی دەستپێشخەرییەكان: 36 

بۆ ڕەخساندنی دەرفەتی کار و ڕووبەڕووبوونەوەی بێکاری لە هەرێمی کوردستان ئەم کارانە کراون:

 ژمارەی پرۆژە: شەش دانە.

 ژمارە ی كارخوازانی تۆماركراو: سی هەزار كەس وەك كارخواز هەژماریان لە پلاتفۆڕمەكەدا كردووەتەوە.

 ژمارە ی ڕاهێنانە كان:  31 ڕاهێنان.

 بەشداربووان: هەزار و 462 کەس.

هەزار كۆمپانیا دوو هەزار هەلی كاریان لە رێگەی ماڵپەرەكەوە بڵاوكردووەتەوە.

 KRD.Empower: رێكخراوێكی ژێر چه‌تری كوردستان فاونده‌یشنه‌، لە ڕێگەی ڕاهێنان و دەستپێشخەرییەکانه‌وه‌ هانی گەنجان ده‌دات لێهاتوو و بیرمەندێکی سەربەخۆ و داهێنەر بن و بەشدار بن لە گەشەپێدانی کوردستان. ماڵی ڕاهێنان و دەستپێشخەرییەکانی گه‌نجانه‌، هەوڵ ده‌دات بۆ هەموو خێزانەکان كاربكات.

 ژمارەی پرۆژە: 22 دانە.

 ژمارەی سودمەندبوانی ڕاستەوخۆ:21 هەزار و 969 کەس.

ژمارەی سودمەندبووانی ناڕاستە وخۆ: زیاتر لە 52 هەزار كەس.

 ژمارەی پرۆژە جێبەجێكراوەكان: 21 پرۆژە.

KRD.Climate: ڕێكخراوێكی تایبەتی كوردستان فاونده‌یشنه‌ بۆ پاراستنی کەشوهەوا، بە ئەرکی: بەرزکردنەوەی هۆشیاری ژینگەیی. پەرەپێدانی گەنجانی سەرکردە له‌ بواری ژینگه‌دا. پشتگیری لە گەشەپێدانی بەردەوام لە ڕێگەی بەرنامەکانی په‌یوه‌ندیدار بە کۆمەڵگه‌وه‌. 

 ژمارەی پرۆژەكان: 12 دانە

 ژمارەی سودمەندبووانی ڕاستەوخۆ: نزیكی 50 هەزار كەس

 ژمارەی سودمەندبووانی ناڕاستە وخۆ: زیاتر لە 216 هەزار كەس

هەزار و 400 درەخت چاندراوە

18 تۆن پلاستیك ریسایكڵ كراوە

 چوار هەزار  مەتردووجا ڕووبەری سەوزایی درووستكراوە

100 خۆبەخش راهێنانیان پێكراوە

10 هەزار و 500 قوتابی ڕاهێنانیان پێكراوە