شێخ دارا: بارانبارین دەستپێدەکاتەوە

ئاڤا نیوز

بەپێی پێشبینییەکانی کەش و هەوا، ئەمشەو لە زۆربەی ناوچەکانی هەرێمی کوردستان باران دەبارێت بەتایبەتی لە سنووری پارێزگای دهۆک و سنووری پارێزگای مووسڵ.

لێدوانی فەرمی: شێخ دارا، شارەزا و پێشکەشکاری کەشوهەوا لە ئاڤا، ڕایگەیاند، ئەمشەو لە زۆربەی ناوچەکانی هەرێمی کوردستان بارانبارین دەستیپێکردووە بە تایبەتی بەشی ڕۆژئاوا، لە زاخۆ و مووسڵ و شنگال، لە باکووری کوردستانیش بەفربارین دەستیپێکردووە.

زانیاریی زیاتر: بەپێی پێشبینیەکان لەناوچە شاخاوییەکانی کوردستان ئەمشەو بەفربارین دەستپێدەکات.

ئەمەش بزانە: ئەم بارانبارینە تا ڕۆژی سێشەممە بەردەوامە، بەهۆی ئەم شەپۆلەوە پلەکانی گەرما دادەبەزێت و کەشەکە سارد دەبێت، هاوکات لە ناوەڕاستی مانگی 12 شەپۆلێکی دیکەی بارانبارینی بەهێز هەرێمی کوردستان دەگرێتەوە.