لە ماوەی هەفتەیەکدا بەهۆی پیسبوونی هەوا لە ئێران 357 کەس گیانیان لەدەستداوە

ئاڤا نیوز

لە ماوەی هەفتەیەکدا 357 کەس لە تارانی پایتەختی ئێران گیانیان لەدەستداوە کە ڕۆژانە دەکاتە 44 کەس، ئەویش بەهۆی هەوای ناتەندروست و پیسبوونی کە هێڵی سووری تێپەڕاندووە.

وێنە گەورەکە: هەوای ناتەندروست و پیس تەنگی بە ئێران هەڵچنیوە بە تایبەتی لە تارانی پایتەخت، ئەم پیسبوونە هێڵی سووری تێپەڕاندووە و شارەکانی دیکەی ئێرانیش گەیشتوونەتە هێڵی پرتەقاڵی لەو حاڵەتە و ڕۆژانە ژمارەیەکی زۆر هاووڵاتی دەگەیێنرێنە نەخۆشخانەکان و تەندروستییان خراپ دەبێت.

ڕاگەیێنراوی فەرمی: محەممەد ئیسماعیل تەوەکولی، بەرپرسی بەشی فریاکەوتنی تاران ڕایگەیاند: لە ماوەی هەفتەیەکدا  357 کەس گیانیان لەدەست داوە کە هەر ڕۆژ دەکاتە 44 کەس، ئەمەش ئامارێکی مەترسیدارە، هاوکات ڕایگەیاند لە ماوەی تەنیا یەک هەفتەدا 57 هەزار پەیوەندی فریاگوزاری خێرامان هەبووە کە زۆربەی بەهۆی تەنگەنەفەسی و پیسی هەواوە بووە گەیێنراونەتە نەخۆشخانە و 400 بنکەی فریاگوزاری خێرا و 500 ئەمبوڵانس لە پایتەخت لە حاڵەتی ئامادەباشیدان.

لەلایەکی دیکەوە: شاری بۆکان یەکێکە لەو شارانەی کە هاووڵاتیان لە پیسی هەوا ئاگادار کراونەتەوە و داواکراوە بۆ کاری پێوست نەبێت لە ماڵەوە بمێننەوە، هاوکات پیسی هەوای تاران ماوەی 10 ڕۆژە بەردەوامە.