شێخ دارا: ئەگەری هەیە سبەی لە چەند ناوچەیەکی هەرێمی کوردستان باران ببارێت

ئاڤا نیوز 

بەهۆی نزیکبوونەوەی شەپۆلی دەریای ڕەش و کاریگەریی شەپۆلی دەریای سپیی ناوەڕاست، ئەگەری هەیە سبەی بارانبارین بگاتە باکووری سووریا و لەوێشەوە ئەگەرێکی لاوازی هەیە بگاتە هەرێمی کوردستان.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، ئێستا کاریگەری شەپۆلی دەریای ڕەش بەرەو ناوچەکانی باشوور نزیک بووەتەوە، لەهەمان کاتدا کاریگەریی شەپۆلی دەریای سپیی ناوەڕاست لە بەیانییەوە کاریگەرییەکەی بەهێزتر دەبێت بۆ سەر وڵاتانی سەر کەنار دەریا، ئەگەری هەیە بگاتە باکووری سووریاش، لەوێشەوە ئەگەرێکی لاوازی هەیە بگاتە هەرێمی کوردستان.

شێخ دارا باس لەوەش دەکات، ئەمڕۆ لەدوای نیوەڕۆوە پلەکانی گەرما دابەزیون و تا یەک هەفتەی دیکە لەزۆربەی شار و شارۆچکەکانی هەرێمی کوردستان بۆ ژێر سییەکان دادەبەزێت، دواتر پلەیەک تا دوو پلە بەرزتر دەبێتەوە.

ئەوە پێویستە بیزانیت: پلەکانی گەرمای شار و شارۆچکەکانی هەرێمی کوردستان بەم شێوەیەیە:

- هەولێر: بەرزترین 31 و نزمترین 21 پلە

- سلێمانی: بەرزترین 29 و نزمترین 18 پلە

- کەرکووک: بەرزترین 33 و نزمترین 21 پلە

- دهۆک: بەرزترین 27 و نزمترین 13 پلە

- هەڵەبجە: بەرزترین 30 و نزمترین 21 پلە

- زاخۆ: بەرزترین 28 و نزمترین 15 پلە

- سۆران: بەرزترین 28 و نزمترین 13 پلە

- ڕاپەڕین: بەرزترین 30 و نزمترین 16 پلە

- گەرمیان: بەرزترین 35 و نزمترین 21 پلە

- حاجی ئۆمەران: بەرزترین 24 و نزمترین 8 پلە

- بارزان: بەرزترین 26 و نزمترین 15 پلە

- پێنجوێن: بەرزترین 26 و نزمترین 14 پلە