ئەمریکا کۆگای چەکی حوسییەکان دەکاتە ئامانج

ئاڤا نیوز

 

بەگوێرەی ڕاگەیێنراوێکی وەزارەتی بەرگریی ئەمریکا (پێنتاگۆن)، فڕۆکە جەنگییەکانی ئەمریکا، درەنگانی شەوی ڕابردوو  کۆگاکانی هەڵگرتنی چەکە پێشکەوتووەکانی حوسییەکانیان لە یەمەن بۆردوومان کردووە. 

 

وێنە گەورەکە: حووسییەکانی یەمەن کە هاوشێوەی گرووپە چەکدارەکانی حیزبوڵڵا و حەماس لەلایەن ئێرانەوە پاڵپشتی دەکرێن، لە دوای دەستپێکردنی شەڕی حەماس و ئیسرائیل لە 7ـی ئۆکتۆبەری ساڵی ڕابردوو، لە دەریای سوور کەشتییە بازرگانیی و ئەو کەشتییانەی بە ئاراستەی ئیسرائیل دەڕۆن دەکەنە ئامانج،  ئەمەش وەک خۆیان دەڵێن لە "تۆڵەی هێرشەکانی ئیسرائیلە بۆ سەر غەززە".

 

زانیاریی بەدەستهاتوو: بەرپرسێکی وەزارەتی بەرگریی ئەمریکا لەبارەی هێرشەکەوە بە ئاژانسی فرانس پرێسی ڕاگەیاندووە، "ئەو چەکانە بۆ بە ئامانجگرتنی کەشتییە سەربازیی و بازرگانییەکانی دەریای سوور بەکاردەهێنران".