ژمارەیەك هەلی دامەزراندن لە ڕاپەڕین ڕادەگەیێنرێت

ئاڤا نیوز

 

ئیدارەی سەربەخۆی ڕاپەڕین، ژمارەیەك فەرمانبەر بە شێوەی گرێبەست دادەمەزرێنێت و مەرجەكانیش ئاشكرا دەكات.

 

ڕاگەیێنراوی فەرمی: ئیدارەی سەربەخۆی ڕاپەڕین ڕایگەیاند: ژمارەیەك فەرمانبەر بەشێوەی گرێبەست لە پسپۆرییەكانی ژمێریاری،کارگێری، کۆمپیوتەر، یاسا، پەیوەندییە نێودەوڵەتییەکان، کۆلێژی زمان - ئینگلیزی (وەرگێڕ) و ڕاگەیاندن لە ئیدارەی سەربەخۆی ڕاپەڕین دادەمەزرێندرێن. 

 

زانیاریی زیاتر: ئیدارەی سەربەخۆی ڕاپەڕین، 13 خاڵی وەك مەرجی دامەزراندنەكە بڵاوكردووەتەوە لەوانە، پێشكەشكار حوكم نەدرابێت بە سزای تاوانی كەتنی ئابرووبەر، دانیشتووی ئیدارەی ڕاپەڕین بێت و بەڵێن بدات داوای گۆڕینی بڕوانامە نەكات، هاوكات نابێت پێشکەشکار هیچ مووچەیەکی دیكەی هەبێت لە دام و دەزگاکانی حکومەت.

 

ئەوەی پێویستە بیزانیت: پێشکەشکار بۆی هەیە تەنها یەک پسپۆڕی لە فۆڕمی دامەزراندن هەڵبژێرێت، بە پێچەوانەوە ناردنی زیاتر لەیەک فۆرم لە لایەن داواکارەوە دەبێتە هۆی پوچەڵکرنەوەی فۆرمەکەی.

 

ئەمەش بزانە: بەپێی مەرجەكان بە هیچ شێوەیەک دوو کەس لە یەک خێزاندا دانامەزرێت.

 

لینکی فۆڕمی دامەزراندن لە ئیدارەی سەربەخۆی ڕاپەڕین