ترەمپ باڵیۆزی ئەمریکا لە ئیسرائیل دەستنیشان دەکات

ئاڤا نیوز

 

دۆناڵد ترەمپ، سەرۆکی هەڵبژێردراوی ئەمریکا پلان بۆ کابینەی داهاتووی وڵاتەکەی دادەنێت و تائێستا چەند هەنگاوێكی گرنگی لەوبارەیەوە ناوە و ژمارەیەک پۆستیشی یەکلاکردوونەتەوە.

 

زانیاریی بەدەستهاتوو: دۆناڵد ترەمپ، سەرۆکی هەڵبژێردراوی ئەمریکا مایک هاکابی، پارێزگاری پێشووی ویلایەتی ئارکنساسی وەک باڵێوزی وڵاتەکەی لە ئیسرائیل دەستنیشان کرد.

 

لێدوانی فەرمی: دۆناڵد ترەمپ لەبارەی دەستنیشانکردنی مایک هاکابی ڕایگەیاند، ''هاکابی گەلی ئیسرائیلی خۆشدەوێت و خەڵکی ئیسرائیلیش ئەویان خۆشدەوێت، ئەو دەتوانێت کاربکات بۆ گەڕاندنەوەی ئاشتیی بۆ ڕۆژهەڵاتی ناوەڕاست''. 

 

ئەمەش بزانە: سارا هاکابی، کچی هاکابی لە ئیدارەی یەکەمی ترەمپدا وەک سکرتێری ڕۆژنامەوانیی ترەمپ کاری کردووە.