ژمارەیەک گەڕەکی ڕانیە بەهۆی نەبوونی خزمەتگوزارییەوە بە گەنم دادەچێنرێن

ئاڤا نیوز

 

تائێستا زیاتر لە 10 گەرەکی نوێی ڕانیە بەهۆی نەبوونی خزمەتگوزارییەکان، ئاوەدان نەکراونەتەوە، ئەمەش کێشە و گرفتی زۆری بۆ هاونیشتمانییانی دەڤەرەکە دروست کردووە.

چیرۆکی سەرەکی: بەشێک لە گەرەکە نوێیەکانی ڕانیە لەدوای دابەشکردن و ئیفراسکردنیان، بەهۆی نەبوونی خزمەتگوزارییەوە تائێستا ئاوەدان نەکراونەتەوە، بەشێک لە خاوەنەکانیان دەڵێن، "نەبوونی خزمەتگوزاری هۆکاربووە بۆ ئاوەدان نەکردنەوەیان و زیانێکی زۆریان پێگەیشتوە".

 

زانیاریی زیاتر: ئەم زەویانە سەرجەمیان تاپۆکراون و بەشێکیان لەدوای ساڵی 2005ـەوە  دابەشکراون و کڕین و فرۆشتنیان پێوە دەکرێت، پێشوتر زەوی کشتوکاڵیی بوون و جیاکراونەتەوە و دراون بە فەرمانبەران، لەبەرامبەردا خاوەنی زەویە کشتووکاڵیەکان قەرەبوو کراونەتەوە.

 

ئەوەی پێوسیتە بیزانیت: ئەو گەرەکە نوێیانەی ڕانیە کە تاوەکو ئێستا هیچ خزمەتگوزاریەکی وەک ( ئاو - کارەبا - ڕێگاوبان )ـیان بۆ نەچووە، نزیکەی 10 گەرەکە و بەهۆی ئەوەی تاوەکو ئێستا وەکو دەشت ماونەتەوە، خاوەنە کۆنەکانیان ساڵانە بەگەنم دایدەچێنن و بەشێک لەخاوەنی نوسینگەکانی خانووبەرەش نوسراوێکیان ئاراستەی لایەنە پەیوەندیدارەکان کردووە.

 

زانیاریی بەدەستهاتوو: بەپێێ زانیارییەکان لەلایەن پۆلیسی شارەوانیەوە، چاودێریی زەویەکان دەکرێت ،تا ڕێگری بکەن لە داچاندنی بەگەنم.