پارێزگاری بانكی ناوەندیی لەبارەی بوونی كێشە لە نەختینە ڕوونكردنەوە دەدات

ئاڤا نیوز

پارێزگاری بانكی ناوەندیی عێراق ڕەتیدەكاتەوە كێشە لە بوونی نەختینەی دیناری عێراقی لە بانكەكە درووست بووبێت، ئاماژە بەوەشدەكات ڕێوشوێنی نوێ دەگرنەبەر بۆ ئەوەی گەشتیاران دۆلاریان دەستبكەوێت.

لێدوانی فەرمیی: عەلی عەللاق، پارێزگاری بانكی ناوەندیی عێراق بە ئاژانسی هەواڵی فەرمیی عێراقی ڕاگەیاند: ئەوەی دەگوترێت و بڵاوبووەتەوە لەبوونی كێشە لە نەختینەی دیناری عێراقیی دوورە لە ڕاستییەوە، بانكی ناوەندیی بەردەوامە لە ڕێوشوێنەكانی وەرگرتنی داواكاری پەیوەست بە نەختینە هاوشانی وەزارەتی دارایی.

زانیاریی زیاتر: بانكی ناوەندیی ئامڕازی بەدەستهێنانی دۆلار لەلایەن گەشتیارانەوە پەرەپێدەدات لە فڕۆكەخانەكانی عێراق، لەڕێگەی بوونی كۆمپانیای ئاڵوگۆڕی دراو و بانكەكانەوە.

"شێوازی نوێی بەدەستگەیشتنی دۆلار بۆ گەشتیاران بەمزووانە دەچێتە بواری جێبەجێكردنەوە و لەڕێگەی ئەلیكترۆنییەوە دەبێت ، لە فڕۆكەخانە دۆلارەكە دەدرێتە گەشتیاران تا دڵنیا بینەوە دۆلار دەگاتە دەستی گەشتیارە ڕاستەقینەكان". عەلی عەلاق وای گوت.