لە هێرشێکی ئیسرائیلدا 8 ئەندامی بەرگریی شارستانی کوژران

ئاڤا نیوز

هێرشەکانی ئیسرائیل بۆ سەر لوبنان بەردەوامن و لە نوێترین هێرشدا سوپای ئیسرائیل بارەگای سەرەکیی بەرگریی شارستانیی لە ڕۆژهەڵاتی بەعلەبەک، لە باشووری لوبنان، بۆردومان کرد. 

 

ڕاگەیێنراوی فەرمی: بە گوێرەی ڕاگەیێنراوی وەزارەتی تەندروستیی لوبنان، بەهۆی هێرشەکەوە لانیکەم 12 کەس کوژران کە 8 لە کوژراوەکان ئەندامی تیمی فریاگوزری و بەهاناوەچوونن.

 

زانیاریی زیاتر: لە ئۆکتۆبەری ساڵی ڕابردووەوە هێرشی ئیسرائیل بۆ سەر غەززە دەستیپێکردووە و لە ئۆکتۆبەری ئەمساڵیشەوە ئۆپەراسیۆنی زەمینیی ئیسرائیل بۆ سەر باشووری لوبنان دەستیپیکردووە و هێرشەکان بەردەوامن.