جارێکی دیکە مقاوەمەی ئیسلامی هێرشی کردە سەر ئیلاتی ئیسرائیل

ئاڤا نیوز

 

ئەمڕۆ جارێکی دیکە مقاوەمەی ئیسلامی، بە درۆن هێرشی کردە سەر ئوم ئەلرەشاش لە ئیلاتی باشووری ئیسرائیل.

 

ڕاگەیێنراوی فەرمی: مقاوەمەی ئیسلامی لە عێراق، راگەیێنراوێکی لە پێگەی خۆی لە تۆڕی کۆمەڵایەتی تەلەگرام بڵاوکردووەتەوە و ئاماژەی بەوەداوە، لە ئامانجەکانیان بۆ رووبەڕووبوونەوەی ئیسرائیل بەردەوامن و لە وەڵامی ئەو کۆمەڵکوژییەی ئیسرائیل بەرامبەر منداڵان و ئافرەتان و کەسانی بە تەمەن دەیکات، چەند پێگەیەکیان لە ئوم ئەلرەشاش لە ئیلاتی باشوور بە درۆن کردووەتە ئامانج.

 

زانیاریی زیاتر: مقاوەمەی ئیسلامی ئاماژەی بەوەشداوە، لە ئۆپەراسیۆن و هێرشەکانیان بەردەوام دەبن. 

 

ئەوەی پێویستە بیزانیت: ئەمە لە کاتێکدایە، جار نا جارێک گرووپەکانی سەر بە مقاوەمەی عێراق، چەند ئامانجێک لە ئیسرائیل و پێگەکانی ئەمریکا لە سووریا و عێراق بە ئامانج دەگرن، ئاماژە بەوەدەدەن ئەو هێرشانە لە تۆڵەی ئۆپەراسیۆنی سەربازی ئیسرائیلە لە کەرتی غەززە و لوبنان.