سەرچاوەیەکی ئەمریکی و فەرەنسی: ئاگربەستی لوبنان ڕادەگەیێنرێت

ئاڤا نیوز

 

سەرچاوەکانی نزیک لە هەردوو سەرۆکی ئەمریکا و فەرەنسا ڕایانگەیاند، کە ئامادەکاری بۆ ڕاگەیاندنی ئاگربەستی لوبنان لە نێوان ئیسرائیل و حیزبوڵڵای لوبنان دەکەن.

 

زانیاریی بەدەستهاتوو: هەردوو سەرچاوەی نزیک لە جۆبایدن سەرۆکی ئەمریکا و ئیمانوێل ماکرۆن سەرۆکی فەرەنسا ڕایگەیاند، ''هەردوولا کاردەکەن بۆ گەیشتن بە ئاگربەست لە لوبنان بۆ ماوەی 60 ڕۆژ، ئەمەش بریتیی دەبێت لە قەڵاچۆکردنی ئەندامانی حیزبوڵڵا لە ناوچەی ڕووباری لیتانی، لە بەرامبەردا هێزەکانی ئیسرائیل لە هەندێک ناوچەی دیاریکراو دەکشێنەوە".

 

بوچوونی لایەنی بەرامبەر: بەرپرسێکی ئیسرائیلی ڕایگەیاندووە، ''لەوانەیە ئیسرائیل بە پلانی ئەمریکا بۆ ئاگربەست لە لوبنان ڕازیی ببێت''.  

 

لێدوانی فەرمی: وەزیری دەرەوەی ئیسرائیل ئاماژەیی بەم ڕێککەوتنە کرد و ڕایگەیاند، ئەگەر لایەنی بەرامبەر هەر پێشلکارییەک سەبارەت بەم ڕێککەوتنە ئەنجامبدات، دەبێتەهۆی ئەوەی ئیسرائیل بە شێوەیەکی دیکە مامەڵە بکات.

 

لەلایەکی دیکەوە: ئەم هەوڵانەی ئەمریکا تاوەکو ئێستا لەلایەن دۆناڵد ترەمپ، پشتڕاستنەکراوەتەوە.