عێراق گەشتە ئاسمانییەکانی بۆ بەیروت دەستپێدەکاتەوە

ئاڤا نیوز

 

وەزارەتى گواستنەوە و گەیاندنى عێراق لە ڕاگەیەنراوێکدا بڵاوى کردەوە، سەرجەم گەشتەکانى هێڵى ئاسمانى عێراق بۆ بەیروت و گەڕانەوەیان دەستپێدەکاتەوە.

 

وێنە گەورەکە: پێشتر لە 27-9-2024، بەهۆى جەنگی نێوان ئیسرائیل و حیزبوڵڵای لوبنانەوە عێراق سەرجەم گەشتەکانی هێڵى ئاسمانى عێراقی بۆ بەیروت ڕاگرت.

 

لێدوانی فەرمی: ڕەزاق محێبس سەعداوی، وەزیری گواستنەوە و گەیاندنی عێراق ڕایگەیاند: لە سەرەتای هەفتەی داهاتووەوە هێڵی ئاسمانی عێراقی سەرجەم گەشتەکانى بۆ بەیروت و گەڕانەوەیان دەستپێدەکاتەوە.

 

سەعداوی ئاماژەی بەوەشکرد، ئەم بڕیارە دوای ڕێککەوتنی ئاگربەست لەنێوان ئیسرائیل و لوبنان هات.