واشنتن هانی ئۆکراینا دەدات تەمەنی سەربازی بۆ 18 ساڵ کەم بکاتەوە

ئاڤا نیوز

 

بەرپرسێکی باڵا لە ئیدارەی ئەمریکا دەڵێت، پێویستە ئۆکراینا بیر لەوە بکاتەوە کە تەمەنی خزمەتی سەربازی لە 25 ساڵییەوە بۆ 18 ساڵی کەمبکاتەوە. 

لێدوانی فەرمی: ئەو بەرپرسەی ئەمریکا بۆ واشنتن پۆست قسەی کردەوە و ئاژانسی ڕۆیتەرز گواستوویەتییەوە، دەڵێت، ژمارە و مەشقی سەربازانی ئۆکراینا وەک پێویست نییە، بۆیە پێویستی بە هێزی زیاترە تاوەکو لە بەرەکانی جەنگ بڵاوەیان پێ بکرێت. 

ئەو سەربازە ئاماژە بەوەش دەکات، لە ئەرزی واقیعدا ڕووسەکان لە رۆژهەڵاتی ئۆکراینا بە توندی جێگیرن و هێزەکانی ئۆکراینا لە کورسک بەرەو دواوە پاشەکەشە پێدەکەن. دەشڵێت ئەوە پێویستی بە هێزی زیاتر هەیە. 

لەلایەکی دیکەوە: ئەو بەرپرسەی ئەمریکا دەڵێت، بە گوێرەی راپۆرتەکان، ڕووسیا لە بەرەکانی جەنگدا خێراتر پێشڕەوی دەکات و دەستکەوتی زیاترە بەراورد بە ڕۆژانی دەستپێکی جەنگ لە 2022. بە جۆرێک تەنیا لە مانگی ڕابردوو بە پانتایی ڕووبەری لەندەن پێشڕەوی کردووە. 

باکگراوند: بابەتی کەمکردنەوە تەمەنی خزمەتی سەربازی لە کاتێکدایە، لە مانگی نیسانی ئەمساڵ سەرۆکی ئۆکراینا فەرمانیدا خزمەتی سەربازی لە 27 ساڵییەوە بۆ 25 ساڵی کەمبکرێتەوە و ئێستاش بەرپرسێکی ئەمریکا پێشنیاز دەکات لە 25 ساڵیشەوە کەمبکرێتەوە بۆ 18 ساڵی.