ڕووسیا داوا لە هاووڵاتییانی وڵاتەکەی دەکات سووریا جێبهێڵن

ئاڤا نیوز 

 

بەهۆی بوونی شەڕ و ئاڵۆزی نێوان هێزە چەکدارەکانی ئۆپۆزسیۆن و سوپای سووریا، باڵیۆزخانەی ڕووسیا لە دیمەشق، هاوڵاتییانی ئاگادار دەکاتەوە سووریا جێبهێڵن.

 

وێنە گەورەکە: نزیکی هەفتەیەکە شەڕ و ئاڵۆزی ڕووی لە سووریا کردووە، هێزەکانی تەحریر شام ڕووبەڕووی سوپای ئەو وڵاتە بوونەتەوە چەندین ناوچەیان کۆنترۆڵ کردووە. 

ڕاگەیێنراوی فەرمی: باڵیۆزخانەی ڕووسیا لە بەیاننامەیەکدا، هاووڵاتییانی وڵاتەکەی لە سووریا ئاگادار دەکاتەوە بە زووترین کات ناوچەکە جێبێڵن بەهۆی ئەو گرژی و ئاڵۆزیە سەربازیانەی لەم دوایانەدا هاتوونەتە ئاراوە، بۆ مەبەستی هاوکاری هەماهەنگیش کونسوڵخانەی وڵاتەکە بەردەوامە لە کارەکانی. 

زانیاریی زیاتر: دوای کۆنترۆڵکردنی حەلەب و حەمما، سەرچاوە خۆجێییەکان پێشتر ڕایانگەیاندبوو کە گرووپە چەکدارەکانی دژە ڕژێم گەیشتوونەتە ناوەندی شاری حومس، هێزە ئۆپۆزسیۆنەکانیش لە پێشڕەویدان بۆ کۆنترۆڵکردنی شاری حومس و نزیکبوونەوەیان لە دیمەشقی پایتەخت.