عێراقچی: پێشبینی چارەنووسی بەشار ئەسەد ناکرێت

ئاڤا نیوز

دوای هەفتەیەک لە شەڕ و ئاڵۆزیی ناوچەکە، وەزیری دەرەوەی ئێران بۆ یەکەم جار هەڵوێستی وڵاتەکەی سەبارەت بە چارەنووسی حوکمی بەشار ئەسەد ئاشکرا دەکات.

 

وێنە گەورەکە: هێزەکانی تەحریرولشام لە دەروازی شاری حومس لە ڕۆژئاوای سووریا نزیکبوونەتەوە و بە کۆنترۆڵکردنی ئەو شارە سوپای سووریا و هێزەکانی هاوپەیمانی لە دیمەشق، تەرتووس و لازقییە لە تەواوی ئەو وڵاتە دادەبڕن.

 

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: چارەنووس و ئایندەی حوکمی بەشار ئەسەد پێشبینی ناکرێت و ڕوون نییە، بەڵام " میحوەری مقاوەمە" بەردەوام دەبێت. 

 

ئەمەش بزانە: بڕیارە ئەمڕۆ کۆبوونەوەیەکی سێ قۆڵیی لە  نێوان ڕووسیا و ئێران و تورکیا لەدەوحەی پایتەختی قەتەر بۆ جێبەجێکردنی ڕێککەوتنی ئاستانە بەڕێوەبچێت.