سەرۆکایەتیی هەرێمی کوردستان: هیوادارین گەلی کورد بەشداریی کارایی لە داهاتووی سووریادا هەبێت

ئاڤا نیوز

 

سەرۆکایەتی هەرێمی کوردستان دوای ڕووخانی دەسەڵاتی بەشار ئەسەد پەیامێکی بڵاوکردەوە و تێیدا هاتوو: "داوا لە هەموو لایەك دەکەین زمانی دیالۆگ و چارەسەری ئاشتیيانە بگرنە بەر، به‌ شێوه‌يه‌ك دادپەروەری و یەکسانی بۆ هەموو پێکهاتەکانی سووریا مسۆگەر بکات".

 

ڕاگەیێنراوی فەرمی: سەرۆکایەتی هەرێمی کوردستان ڕایگەیاند:

 

- بە بایەخی زۆرەوە چاودێریی پێشهاتەکانی سووریا دەکەین، داوا لە هەموو لایەک دەکەین زمانی دیالۆگ و چارەسەری ئاشتییانە بگرنەبەر و بەشێوەیەکی دادپەروەرانە و یەکسان بۆ هەموو پێكهاتەکان لەوانە گەلی کورد دەستەبەر بکات، هەروەها بەشداری کارایان لە داڕشتنی داهاتووی وڵاتدا مسۆگەر بکات.

 

- هەرێمی کوردستان لە چوارچێوەی عێراقدا پابەندی خۆی بۆ پاراستنی پەیوەندی و هاوسەنگی و کارکردن بۆ بەهێزکردنی هاوکاریی هەرێمی و نێودەوڵەتی بۆ دڵنیابوون لە سەقامگیری سووریا دووپات دەکاتەوە، هەر ململانێیەک دۆخی ناوچەکە ئاڵۆز بکات ڕەتی دەکەینەوە.

 

- جەخت لە پاراستنی ئاسایش و سەقامگیری و بەرژەوەندی هەموو گەلان و پێکهاتەکانی ناوچەکە دەکەینەوە، لە کاتێکدا پێشهاتەکان خێران و جەخت لە گرنگی یەکخستنی هەوڵە نێودەوڵەتی و هەرێمییەکان دەکەینەوە، بۆ دڵنیابوون لە داهاتوویەکی سەقامگیر بۆ سووریا.