هێرشێکی فراوانی گروپە چەکدارەکان بۆسەر منبەج دەستیپێکردووە

ئاڤا نیوز

 

دوای کەوتنی دەسەڵاتی بەشار ئەسەد، لە دوای نیوەڕۆی ئەمڕۆ یەکشەممەوە گرووپە چەکدارەکانی ئۆپۆزیسیۆنی سووریا هێرشێکی بەرفراوانیان بۆسەر منبەج دەستپێکردووە، کە لە لایەن هێزەکانی سووریای دیموکرات ئەو شارە بەڕێوە دەبرێت.

 

وێنە گەورەکە: لە ساڵی 2011ـەوە شەڕی ئۆپۆزیسیۆنی سووریا لەگەڵ حکومەتەکەی بەشار ئەسەد دەستیپێکردووە، ئەم شەڕە درێژکراوەی ڕووداوەکانی بەهاری عەرەبی بوو کە چەند وڵاتێکی عەرەبی گرتەوە و دەسەڵاتی لە هەریەکە لە وڵاتەکانی تونس، میسر، یەمەن، لیبیا و سووریا کۆتایی پێهێنا.

 

ڕاگەیێنراوی فەرمی:  ناوەندی ڕاگەیاندنی ئەنجوومەنی سەربازی منبەج ڕایگەیاندووە "شەڕڤانان لە ئەلباب و منبەج بەردەوامن لە ڕووبەڕووبونەوە و دەیان کوژراو و بریندار لە ڕیزی گرووپەکان هەیە، هاوکات بە فڕۆکە دامەزراوە خزمەتگوزارییەکان بۆردوومان دەکرێت کە گومان دەکرێت فڕۆکەکانی تورکیا بێت".

 

لەلایەکی دیکەوە: سەرچاوەیەک لە حکومەتی تورکیا بە ئاژانسی ڕۆیتەرزی ڕاگەیاندووە، چەکدارانی ئۆپۆزیسیۆنی سووریا توانیویانە منبەج کۆنترۆڵ بکەن.

 

باکگراوند: منبەج دەکەوێتە ڕۆژهەڵاتی پارێزگای حەلەب، 30 کیلۆمەتر لە ڕۆژئاوای ڕووباری فورات دوورە، لە شارەکە عەرەب و کورد و چەرەکەس دەژین.