هاتووچۆی دهۆک: لەسەر داواکاری خەڵک کامێرای خاڵ بۆ خاڵ دادەنرێت

ئاڤا نیوز

 

لە شەقامی سەرەکیی دهۆک – زاخۆ، کامێرای خاڵ بۆ خاڵ جێگیر دەکرێت و هاتووچۆی دهۆک دەڵێت، لەسەر داواکاری خەڵکە.

 

بۆچی گرنگە؟ ئەم ڕێگایە، ڕێگەیەکی بازرگانییە بۆ شارەکانی دیکەی هەرێمی کوردستان و قەرەباڵەغییەکی زۆری لەسەرە، بە جێگیرکردنی ئەم کامێرایانەش، ڕووداوەکانی هاتووچۆ کەمدەبنەوە.

 

لێدوانی فەرمی: ئیبراهیم عەگید، بەڕێوەبەری هاتووچۆی دهۆک بە ئاڤا نیوزی گوت: "نزیکەی 40 داواکاری خەڵک و نوێنەرانی گوند و ناوچەکانمان لایە و داوا دەکەن کامێرا لە شەقامەکانی ناوچەکانیان جێگیر بکرێت".

 

زانیاریی زیاتر: بڕیارە لە چەند ڕۆژی داهاتوودا کامێراکە لە شەقامی سەرەکیی دهۆک - زاخۆ جێگیر بکرێت؛ هاتووچۆی دهۆک دڵنیایی داوە کامێرای خاڵ بۆ خاڵ لە سەنتەری شارەکە دانانرێت.