بەرهەم ساڵح: شانازییە وەکو کۆمیسیاری باڵای نەتەوە یەکگرتووەکان هەڵبژێردراوم

ئاڤا نیوز

د. بەرهەم ساڵح دوای وەرگرتنی پۆستە نوێیەکەی ڕایگەیاند، مایەی شانازیمە کە وەک کۆمیسیاری باڵای نەتەوە یەکگرتووەکان بۆ کاروباری پەنابەران هەڵبژێردراوم، خۆم ڕۆژگارێک پەنابەربووم و باش دەزانم کە چۆن پارێزگاری و هاوکاری دەتوانێت ژیان مرۆڤەکان بگۆڕێت.

وێنە گەورەکە: لە هەفتەی ڕابردوو، کۆمەڵەی گشتیی نەتەوە یەکگرتووەکان بەرهەم ساڵحی وەک کۆمیساری باڵای نوێی کاروباری پەنابەران هەڵبژارد، کە بڕیارە لە 1ی کانوونی دووەمی 2026 دەستبەکار بێت. 

ڕاگەیێنراوی فەرمی: د. بەرهەم ساڵح لە پەیامێكدا لە سەكۆی "ئێكس" ڕایگەیاند: " مایەی شانازیمە کە وەک کۆمیسیاری باڵای نەتەوە یەکگرتووەکان بۆ کاروباری پەنابەران هەڵبژێردراوم، جیهان ئێستا ژمارەیەکی زۆر ئاوارەی لەخۆ گرتووە، بۆیە جێبەجێکردنی ئەرکەکانی کۆمیسارییەت پێویستی بە سەرنجی نوێ و کارامایی زیاتر هەیە، لەگەڵ بەردەوامبوون لەسەر بوونیاتنانی ئەو چاکسازیانەی لە ساڵانی ڕابردوودا ئەنجامدراون بۆ بەرزکردنەوەی کاریگەریی کارکردن و بەکارهێنانی باشترین سەرچاوەکان.

زانیاریی زیاتر: ناوبرا سوپاسی خۆی ئاراستەی ئەنتۆنیۆ گوتێرێس، سکرتێری گشتی نەتەوە یەکگرتووەکان و کۆمەڵەی گشتیی کرد بۆ ئەو متمانەیە، هەروەها سوپاسی فیلیپۆ گراندا، کۆمیساری باڵای پێشووی کرد بۆ سەرکردایەتی کردنی لە قۆناغێکی پڕ لە ئاڵنگاری جیهانیدا.