هەژماری من ئاگادارییەک ئاراستەی خانەنشینان دەكات

ئاڤا نیوز

پڕۆژەی هەژماری من، سەبارەت بە كارتی بانكیی خانەنشینان ئاگادارییەک بڵاو دەكاتەوە، داوا دەکات ڕۆژانە چاودێری مۆبایلەکانیان بکەن و ئاگاداربن لە کورتەنامەی گەڕاوە.

وێنە گەورەكە: پڕۆژەی هەژماری من یەكێكە لە پڕۆژە ستراتیژییەكانی كابینەی نۆی حكومەتی هەرێمی كوردستان كە ئامانج لێی بە دیجیتاڵیكردنی سیستەمی مووچەی مووچەخۆرانی هەرێمی كوردستانە، لە پڕۆژەكەدا جگە لە فەرمانبەران، خانەنشینانیش سوودمەندن.

ڕاگەیێنراوی فەرمی: هەژماری من لە ڕاگەیێنراوێكی فەرمیدا داوا لەو خانەنشینانە دەكات كە تاوەكوو ئێستا كارتی بانكییان وەرنەگرتووەتەوە، ڕۆژانە سەیری مۆبایلەكانیان بكەن، ئەگەر نامەیان بۆ گەڕاوەتەوە ئەوا سەردانی بانكەكانیان بكەن بۆ ئەوەی كارتە بانكییەكانیان وەربگرنەوە.

زانیاریی زیاتر: ڕۆژ بە ڕۆژ بەشداربووانی پڕۆژەی هەژماری من لە هەرێمی كوردستان زیاتر دەبێت بۆ مووچەی مانگی نۆی فەرمانبەرانی هەرێمی كوردستان زیاتر لە 600 هەزار مووچەخۆری مەدەنی و سەربازی و خانەنشین و خانەوادەی شەهیدان، مووچەكانیان لەڕێگەی هەژماری منەوە لە ئەی تی ئێمەكان وەرگرت.