بایدن لێخۆشبوون بۆ 1500 کەس دەردەکات

ئاڤا نیوز

جۆ بایدن، سەرۆکی ئەمریکا، کە کەمتر لە چل ڕۆژ لەماوەی سەرۆکایەتییەکەی ماوە، فەرمانی لێخۆشبوون و کەمکردنەوەی سزای بۆ نزیکەی 1500 سزادراوی فیدراڵی دەرکرد.

 

ڕاگەیێنراوی فەرمی: بەگوێرەی ڕاگەیێنراوێکی کۆشکی سپی، ئەمە گەورەترین فەرمانی لێخۆشبوونە کە سەرۆکێک لە ماوەی یەک ڕۆژدا دەری بکات.

 

لەلایەکی دیکە: بایدن پێشتریش فەرمانی لێخۆشبوونی بۆ کوڕەکەی، هانتەر بایدن، دەرکردبوو و ئەم بڕیارە نویێەشی لە ژێر کاریگەریی ئەو لێخۆشبوونە دەرکردووە.

 
لێدوانی فەرمی: جۆ بایدن، سەرۆکی ئەمریکا سەربارەت بە بڕیارەکەی هاتە دەنگ و ڕایگەیاند، ئەو کەسانەی کە ئەم لێخۆشبوون و کەمکردنەوەی سزایە دەیانگرێتەوە تاوانی ناتووندوتیژیان ئەنجام داوە و هەموویان توانیویانە سەرکەوتووانە ماوەیەک لە سزای خۆیان تێپەڕێنن و بیسەلمێنن کە پابەندن بە سەقامگیری و باشکردنی کۆمەڵگان.

 

ئەمەش بزانە: بەگوێرەی دەستووری ئەمریکا سەرۆکی ئەمریکا دەستەڵاتی لێخۆشبوونی لە سزادراوانی فیدراڵی هەیە، جگە لەوانەی کە بە شێوەیەکی فەرمی لە پۆستەکەیان لێپێچینەوەیان لێکراوە.