بەهۆی سەرما و بارینی بەفرێکی زۆر لە ژاپۆن 30 کەس گیانیان لەدەستدا

ئاڤا نیوز

لەئەنجامی شەپۆلێکی بەهێزی سەرما و بەفربارین لە ژاپۆن، تاوەکو ئێستا 30 کەس گیانیان لەدەستداوە.

ڕاگەیێنراوی فەرمی: بەپێی ئامارەکانی دەزگای بەڕێوەبردنی کارەساتەکانی ژاپۆن، لە 20 مانگی یەکەوە تاوەکو ئەمڕۆ سێشەممە 30 کەس لەئەنجامی ئەو بەفرەوە گیانی لەدەستداوە، لەنێویاندا ژنێکی تەمەن 91 ساڵ کە لەژێر کەڵەکە بەفرێکی سێ مەتری بەفر دۆزرایەوە.

زانیاریی زیاتر: ئەم شەپۆلە بەفربارینە لە هەفتەی ڕابردووەوە ڕووی لە هۆکایدۆ و حەوت پارێزگای دیکەی ژاپۆن کردووە.

لەلایەکی دیکەوە: سەنای تاکایچی، سەرۆکوەزیرانی ژاپۆن، کۆبوونەوەیەکی تایبەتی لەسەر ئاستی کابینەی حکومەت ئەنجامدا و وەزیرەکانی ڕاسپارد کە هەموو هەوڵێکیان بۆ ڕێگریکردن لە گیان لەدەستدانی زیاتر و گرتنەبەری ڕێوشوێنی پێویست بۆ ئەم پرسە بگرنەبەر.